یانەیا شێخان گەشبینە پلێتا دەربازبوونێ ب دەستڤە بینت
ئەڤرۆ
رەمەزان زەکەریا:
د داخویانیەكێدا جێگرێ سەرۆكێ یانەیا شێخان یا وەرزشی دیار كر تیما وان یا تەپا پێی دێ پشكداری ڤاڤارتنێن خولا پلا دو یا ئیراقێ دەربازبوون بۆ پلا ئێك كەن ئەوا 12 یانەیێن هەرێمێ و باكۆرێ ئیراقێ ل سەر سێ كۆمان هاتینە بەلاڤكرن، یانەیا شێخان د كۆما دویێ دا یە پێكهاتینە ژ، غاز ئەلشیمال، بەلەدیە و سلێمانیە و یاریا ئێكێ بڕیارە ل ناڤەراستا ئادارا بهێت بەر ب باژێرێ سلێمانیێ بچن بۆ پێنگاڤا ئێكێ ژ ڤاڤارتنان پاڤێژیت و هەر كۆمێ ئێك تیم دێ دەربازیبتە قۆناغێن دووماهیێ.
زێدەتر مەهدی سالح گۆت: یانەیا شێخان وەكو ئێكانە یانە ل سنۆرێ پارێزگەها دهۆكێ پشكداری ڤاڤارتنان بوویە و گەشبینن دێ شێن پلێتەكا دەربازبوونێ ب دەستڤە ئینن و مە باوەری ب شیانێن تیما خوە هەنە بۆ سەركەفتنان و بەرهەڤیێن باش هاتینە كرن بۆ یاریا ئێكێ ژبەركو ژ دەرڤەیی یاریگەها مەیە و بزەحمەتە.
جێگرێ سەرۆكێ یانەیا شێخان گۆت: تیما مە ئێكانە یانەیە ل سنۆرێ پارێزگەها دهۆك پشكداریێ د وەرزێ ئەڤ سالە یا خولا پلە دو یا ئێراقێ بكەت لەوما دخوازین دەڤەردارێ شێخان و پارێزگەرێ دهۆك پشتەڤانیا تیما مە بكەن بۆ وێ چەندێ ل یاریێن خۆ ئاستەكێ باش پێشكەش بكەت و پلێتا دەربازبوونێ بۆ قۆناغا دووماهیێ وەربگرین.
