یانەیا شێلادزێ دێ بیتە خودان یاریگەهـ
شاهۆ فەرید:
د داخویانیەكێ دا شەریف ئیبراهیم سەروكێ یانەیا شێلادزێ بۆ رۆژناما ئەڤرۆ دیار كر پشتی وان داخوازنامەك پێشكێشی قائیمقامێ ئامێدیی وارشین سلمان كری ئەوی ژی داخوازیا مە گەهاندیە نڤیسنگەها رێكخستا پارتی دیموكراتی كوردستان ل پارێزگەها دهۆكێ كو ب شێوەكێ ئێكسەر بەرپرسێ رێكخستنا د. پیشتوان سادق هاریكاریا مە كریە ب كوژمەكێ پارەیی بۆ وێ قوناغێ شیان بەر ب ئاستەكێ باش بچین.
زێدەتر ناڤهاتی گۆت: چێكرنا یاریگەهێ بۆ یانەیا مە گەلەكا گرنگە، چونكۆ بارگرانیە بۆ یانەیەكا وەكۆ مە ب دانا كرییەكێ بۆ گرتنا یاریگەهەكا تەپا پێی بۆ راهێنانان و یاریێن خولێ، پشتی بریارا ئاڤاكرنا یاریگەهێ هاتیەدان پێ خوەشحال بووینە و دێ هەمی بزاڤا كەین درۆستكرنا یاریگەهێ د ناڤا باژێری مە ب خوە دا بیت نە دەوروبەرابیت، ژبەركو دا جەماوەرێ یانەیا شێلادزێ بێ بەهرنە بیت ژ دیتنا یاریان.
ژلایەكێ دووڤە شەریف ئیبراهیم ئەگەریێ نە دەربازبوونا تیما وان یا تەپا پێی ژ خولا پلا دو بۆ پلا ئێكا كوردستانێ ژبەر بریارا ئێكەتیا تەپاپێی ڤەدگەریت و گۆت: دەمێ رێك ب مە نەدایی یاریێ دناڤا یاریگەها خوە بكەین، یاریگەها بۆ مە دەست نیشانكری دودەمژمێرا یا دوویری سەنتەرێ باژێری بۆ، ئەگەر مە د ناڤا یاریگەها خوە دا كربا نەه خالێن مسوگەر دا دەست خوە ڤە ئینین لەوما ئێكەتیا تەپا پێی ئەگەر بوو ئەم دەرباز نەبین، سەبارەت راهێنەر تارق تەئیمە هیشتا كارگێریێ كۆ مبوون نەكریە و چو ل سەر مان و نەمانا وی نە هاتینە دان، یا گرنگ ب ئەنجام گەهشتینە قۆناغا مە ڤیایی بۆ وەرزی بهێت دێ كاركەین بۆ دەربازبوون بۆ خۆلا پلە ئێك.
