یانەیا شێلادزێ: بۆ هەلبژارتنان هەر رۆژەكا دهێتە دەستنیشانكرن بەرهەڤین

یانەیا شێلادزێ: بۆ هەلبژارتنان هەر رۆژەكا دهێتە دەستنیشانكرن بەرهەڤین

30

د داخویانیەكێ‌ دا ئەندامێ‌ كارگێرییا یانەیا شێلادزێ‌ دیار كر بۆ هەر ژڤانەكێ‌ دانانا هەلبژارتنێن كارگێرێ‌ ئەم بەرهەڤن پشتی ب دووماهی هاتنا خولا كوردستانێ‌.
زێدەتر بێوار ئیبراهیم بۆ ئەڤرۆ گۆت: سەرباری ژڤانێ‌ هەلبژارتنێن كارگێرییا نوو یا یانەیێ‌ هاتبوو دەستنیشانكرن لێ‌ هندەك كەسا حەزكریە ببنە ئەندامێن دەستەیا گشتی یا یانەیێ‌ لەوما وان داخواز ژ رێڤەبەریا وەرزشی یا دهوكێ كربوو بۆ دەمەكێ‌ دی بهێتە پاشئێخستن، دیسان ئەم گرێدایی ب خولا كوردستانێ‌ یا تەپا پێی بووین بوو ئەگەر نە هێتە ئەنجامدان، لێ‌ د نوكە دا ئەم بەرهەڤین بۆ هەر ژڤانەكێ‌ دهێتە دانان.
ناڤبری گۆتژی: مە چ پشتەڤانێن بەردەوام و سەرەكی نین بتنێ مە مینحەك هەبوو ب كۆژمێ دو ملیۆنا ژ پارێزگەها دهۆك دهات ئەڤە دوو هەیڤە ئەوژی راوەستاینە، دیسان مە چ یاریگەهێن تایبەت ب یانێ ڤە نینن و رەزامەندی هاتیە دان ژلایێ سەرۆكێ حكومەتا هەرێمێ ڤە و بۆ ڤێ مەبەستێ پارێزگارێ دهۆكێ د.عەلی تەتەر سەرەدانا مەكریە و مزگینی ب مە دایە و چاڤەرێ نە دەستپێبكەن و هیڤی نێزكترین دەم بهێتە ئاڤاكرن .
ئاشكراكر: یانەیا شێلادزێ ئاستەنگێن وێ هەر وەكی سالا بورینە چونكی یانەیێ‌ داهاتەكێ‌ باش نینە و بێ یاریگەهـ دێ ئاستەنگ بەردەوام بن چونكی مەرەم ژ دامەزراندنا یانێ هەر ژبۆ وێ چەندێ بوویە خەلكێ دەڤەرێ و شێلادزێ خۆشیەكێ ژ بینەریا یانەیا خۆ ببین لێ مخابن خەلكێ مە ژ بینەریا یاریا بێ بەهر دبیت ژ ئەگەرێ وێ چەندێ یاریێن مە ب نەچاریڤە ڤەدگوهێزینە دهوك و بلێ‌ .

کۆمێنتا تە