یانەیێن ئاكرێ، بەردەڕەش و دینارتە پشتەڤانی بۆ لیستا 190 دوپاتكر
رەمەزان زەكەریا
هەرسێ یانەیێن وەرزشی ئاكرێ، بەردەڕەش و دینارتە بۆ هەلبژارتنێن خولا شەشێ یا پەرلەمانێ كوردستانێ پشتەڤانییا خوە بۆ لیستەیا 190 یا پارتی دیمو0كراتی كوردستان دۆپات دكەن و ب لیستەیا پشتەڤانا وەرزشێ ناڤ دكەن ئەوێن بۆ رۆژنامەیا ئەڤرۆ د ڤێ ڕاپۆرتێ دا دیاركرینە.
ل دەستپێكێ سەلاح ئیبراهیم سەرۆكێ یانەیا ئاكرێ گۆت :كابینا نەهێ یا حكومەتا هەرێما كوردستانێ ب سەرۆكایەتیا مەسرور بارزانی گەلەك پشتەڤان بوویە بۆ وەرزشا كوردستانێ ب گشتی و گەلەك كار هاتیەكرن ب هەموو سێكتەران ڤە بەڵگە ژی ئەوە كو رۆژ بۆ رۆژێ پێشكەفتن ب وەرزشا كوردستانێ ڤە دهێتە دیتن و ئاستێ وان گەلەك باشتر دبیت و ل چەندین دەڤەرێن كوردستانێ یاریگەهێن نو هاتنە دروستكرن و چەندین یاریگەهێن دیتر هاتنە نووژەنكرن، دروستكرنا یاریگەها بۆ هۆكارێ وێ چەندێ یانەیێن كوردستانێ ب هێزترو باشتر دەركەڤن.
ناڤبری گۆتژی: ل كابینا نەهێ دا هەموو كار هاتینەكرن بۆ وەرزشا ئاكرێ تایبەت یانەیا ئاكرێ بۆ خودان یاریگەهەكا مۆدێڕن ل سەردەستێ مەسرور باروانی سەرۆكێ حكومەتا هەرێما كوردستانێ كو ئەڤە دبیتە دەرگەهەك بۆپێشڤە چوونا وەرزشا دەڤەرێ ب گشتی و یانەیا ئاكرێ ب تایبەت له‌وما وەكو دەستەیا كارگێری، ستافێ ڕاهێنەران و هەموو یاریزان هاندەرێن یانەیێ پێكڤە دێ پشتەڤانیا لیستەیا 190 یا پارتی كەین و دەنگ ب لیستا پێشڤەچوونا كوردستانێ دەین كو ب تنێ ئەو لیستە كار بۆ بەرژەوەندیا گشتی و هەموو وارەكێ ژیانێ ل كوردستانێ دكەت لیستەیا ئارامی و ئاڤەدانی و پێكڤەیی و خۆراگریێ یە لیستا پارتی دیموكراتی كوردستان، مەسرور بارزانی سەرۆكێ حكومەتا هەرێما كوردستانێ مەزنترین پشتەڤانێ وەرزشا كوردستانێ ب گشتی و ئاكرێ ب تایبەتی كریە ژ دروستكرنا یاریگەهان و پێدڤیێن وەرزشێ.
سەمیر عەبدولقادر سەرۆكێ یانەیا بەردەڕەش یا وەرزشی گۆت: كابینا نەهێ یا حكومەتا هەرێما كوردستانێ ب سەرۆكاتیا مەسرور بارزانی خزمەتەكا زۆرا وەرزشا كوردستانێ كریە، ل وارێ دروستكرنا یاریگەهان و نووژەنكرنا وان ل سەر ئاستێ كوردستانێ، ب هەموو شیانێن خۆ دێ كاركەین بۆ سەركەفتنا لیستا 190 یا پارتی دیموكراتی كوردستان.
رەشید جومعە سەرۆكێ یانەیا دینارتە یا وەرزشی گۆت: سەرۆكێ حكومەتا هەرێما كوردستانێ گرنگیەكا مەزن ب وەرزشا كوردستانێ دایە، بۆ یانەیا دینارتە یاریگەهەكا یازدە یاریزانی یا پێشكەفتی دروستكریە و گەلەك پشتەڤانیا وەرزشێ كریە، ئەم ب هەموو هێزاخۆڤە یێ كاردكەین بۆ سەركەفتنا لیستا 190 یا پارتی دیموكراتی كوردستانێ و دێ دەنگی دەینە لیستا خزمەت و ئاڤەداینێ.
