یانەیێن ئیتالیا سێ ناسناڤێن ئۆرۆپایێ ژ دەستدان
یانەیا ئەنتەر میلان ناسناڤێ قارەمانیا یانەیێن ئۆرۆپا قارەمانێن خولا چامپیۆنز لیگ ژ دەستدا پشتی ل شەڤا شەمبیا بۆری د یاریا دووماهیێ دا بەرانبەر یانەیا مانچستەر ستی یا ئنگلتەرایێ ب گۆلەكێ بێ بەرانبەر تووشی خوسارەتیێ بووی، بڤێ چەندێ یانەیێن ئیتالی دەست ڤالا ژ هەڤڕكیێن قارەمانیا ڤەگەڕیان سەرباری دەربازبوونا وان بۆ یاریێن دووماهیێ.
د دووماهیا قارەمانیا خولا ئۆرۆپا دا یانەیا رۆما ب سەركێشیا راهێنەرێ خوە یێ پۆرتۆگالی جوزێ مۆرینیۆ ناسناڤ ژ دەستدا پشتی دگەل سیڤییا یا ئسپانی ب گۆلەكێ تووشی خوسارەتیێ بوویی، ژلایێ خوەڤە یانەیا فیورینتینا ژی ناسناڤەك ژ دەستدا ئەوژی یا قارەمانیا كۆنگرەیا ئۆرۆپا، د یاریا دووماهیێ دا بەرانبەر وێست هام یا ئنگلتەرایی ب گۆلەكێ بێ بەرانبەر تووشی خوسارەتیێ بوو، سەرباری هەرسێ یانەیێن ئیتالی ب هێز هاتبوونە دناڤ قارەمانیان دا و نێزیكی ناسناڤی بوون لێ نەشیان چو دەستكەفتان بینن، د بەرانبەر دا رێزا دویێ بۆ سێ یانەیێن ئیتالی ئاماژەیە ب پێشكەفتنا ئاستێ تیمێن ئیتالیا.
