یانەیێن شێلادزێ و بجیلێ ژی پشتەڤانییا خوە بۆ لیستا 275 یا پارتی دیاركرن
رەمەزان زەكەریا
هەر د وەرگرتنا بۆچوونێن یانەیێن وەرزشی ل سنۆرێ پارێزگەها دهۆكێ هەردو یانەیێن شێلادزێ و بجێلێ ژی پشتەڤانییا خوە بۆ لیستا 275ێ یا پارتی دیاركرینە ئەوێن بڤی شێوەیی بۆ ئەڤرۆ خۆیاكرینە.
كاروان باقی سكرتێرێ یانەیا شێلادزێ گۆت: خۆیاییە پارتی دیموكراتی كوردستان ل هەموو سێكتەرەكێ دا خوە ل هەموو تەخ و چینێن جڤاكی كریە خودان، سێكتەرێ وەرزشێ ئێك ژوان بابەتێن گرنگ بوویە لەورا گەنج و لاوێن دەڤەرا مە ژ ڤێ چەندێ بێ بەهر نەبووینە و پشتەڤانی هاتییە كرن، ئێكەم پێنگاڤ دامەزراندنا یانەیێ ل سالا ٢٠٢١، دیسان بریارا دروستكرنا یاریگەهەكێ ل كابینەیا نەهێ ب بریارا مەسرور بارزانی سەروكێ حكومەتا هەرێما كوردستانێ كو ئەڤ چەندە بوویە جهێ دلخۆشیا خەلكێ دەڤەرێ، سوپاسیا پارتا خۆ دكەین و ل سەر مە ژی ئەرك دێ خزمەتێ كەین.
ناڤبری گۆتژی: ژبیرنەكەین كابینەیا نەهێ یا سەلماندی كو یا ئاڤەدانی و خزمەتێیە، هەردەم دێ پشتەڤان بیت بۆ هەموو تەخ و چینا، لاوێن دەڤەرێ و كارگێریا یانەیا شێلادزێ ب یاریزان ڤە پشتەفانیا خۆ بۆ لیستا 275 رادگەهینین چونكە لیستا خزمەتێ و ئاڤەدانیێ و شەهیدانە، شەڤ و رۆژ ئەم ژی دێ هاریكار بین و دێ كاركەین بۆ سەركەفتنا لیستا ٢٧٥ ئەوا دێ بەردەوام پاراستنا وان دەستكەفتا كەت ئەوێن ب خوینا شەهیدان هاتیە هەبۆنێ، ب هێزبوونا پارتی ب هێزبۆنا كوردستانێ یە.
ژلایێ خوەڤە رەهیل شەعبان سەرۆكی یانەیا بجیل یا وەرزشی بۆ رۆژناما ئەڤرۆ گۆت: وەكو یانە ب دلخۆشی و هێزەكا مەزن ڤە دێ پشتەڤانیا لیستا 275 یا پارتی دیموكراتی كوردستان كەین، ژبەركو پارتی ل هەر جهەكێ بیت ئارامی و ئاڤەدانی و پێشڤەچوون هەیە،د وارێ وەرزشێ دا پارتی و پەرلەمانتار و حكومەتێ مەزنترین پشتەڤانیا وەرزشا كوردستانێ ب گشتی و دەڤەرا بجیل تایبەتی كریە وەكۆ دروستكرنا یاریگەها وەرزشی و پشتەڤانیا یانەیێ .
ناڤبری گۆتژی: مەسرور بارزانی جێگرێ سەرۆكێ پارتا مە و سەرۆكێ حكومەتا هەرێما كوردستانێ وەرزشا كوردستانێ دەمێ چەند سالێن بۆری گەهاندیە ئاستەكێ گەلەك باش و ب رادەیەكێ نوكە ژبەر وێ پشتەڤانیا ل وەرزشێ دهێتە كرن خولێن كوردستانێ بۆینە جهێ دلخۆشیا وەرزش دۆست و جەماوەرێ وەرزشی ل كوردستانێ راگەهاندن ژی گەلەك گرنگیێ ب خولێن ناڤخۆیی ددەت ژبەر وێ پشتەڤانیا ل وەرزشێ دهێتە كرن ژلایێ پارتی ڤە، وەك ودەستەیا كارگێری و هەموو یاریزان و پشتەڤانێن دەڤەرێ پشتەڤانیا خوە بۆ لیستا 275 نیشان ددەین و ب هێز ڤە دێ چینە سەر سندۆقێن دەنگدانێ و دەنگ ب بەربژارێن وێ دەین.