یانەیێن كوردستانی ب نهێنی كار دكەن و یێن بەغدایی پشت بەستنێ ب یاریزانێن ئەفریقی دكەن
پرۆسێسا دانۆستاندنێ دناڤبەرا یاریزان و یانەیێن وەرزشی د خولا ستێرێن ئیراقێ یا فوتبۆلێ رۆژ بۆ رۆژێ یا گەرمتر لێ دهێت، هەر یانەیەك بزاڤێ دكەت باشترین یاریزانان بینیتە دناڤ ڕێزێن تیما خوە دا ژبۆ بهێزكرنا تیمێ بۆ وەرزێ نوو یا خولێ، ئەڤا ل خوارێ دووماهی پێزانین د دەمێ نڤێسینا مە دا ژبەركو پرۆسیسا گرێبەستان د خولەكان دا دهێتە ئیمزاكرن و ڕاگەهاندن.
پێنچ یانەیان هارۆن دڤێت
ل دووڤ ژێدەرێن رۆژنامەڤانی پێنچ یانە هاتبوونە ل سەر هێل و دخوازن گرێبەستێ دگەل ستێرا یانەیا دهۆكێ هارۆن ئەحمەد ئیمزابكەن، هەرچەندە بۆچوونێن بهێز هەنە كو هارۆن گرێبەستا خوە دگەل یانەیێ نووبكەت، ژلایەكێ دووڤە ئەو یانەیێن بزاڤێن ڕازیكرنا هارۆنی دكەن ك وئەو كۆژمە یێ فەرمی نینە هەر ئێك ژ، یانەیا زاخۆ 850 ملیۆن بەرهەڤكرینە، یانەیا شورتە 800 ملیۆن بەرهەڤكرینە، یانەیا جەوییە 700 ملیۆن بەرهەڤكرینە، یانەیا ئەلگەرمە 650 ملیۆن بەرهەڤكرینە.
ژلایەكێ دووڤە چوونا یێ ئوردنی محەمەد ئەبوحشیش یاریزانێ یانەیا زاخۆ بۆ یانەیا ئەلگەرمە بوویە سەردێرێن جادا وەرزشی یا زاخۆ، لێ ژبەركو گرێبەستا یانەیا ئەلگەرمە زێدەتربوو و دیسان ل سەر داخوازا فدراسیۆنا فوتبۆلا ئوردنێ كو دێ یاریزانەكێ دی یێ هەلبژارتیێ وان دگەل ئەلگەرمە بیت محەمەد ئەبوحشیش چوو وێ یانەیێ، ژلایەكێ دووڤە بابەتێ ستێرا زاخۆ و هەلبژارتیێ ئیراقێ ئەمجەد عتوان ئێكلانەبوویە و یانەیا ئەلگەرمە یا ل سەر هێل بۆ ڕازیكرنا وی.
یانەیێن ئیراقێ یاریزانێن ئەفریقی ئیناینە
بۆ وەرزێ نوو پتر یانەیێن ئیراقێ پشت گەرمییا خوە ب یاریزانێن ئەفریقی دكەن، یانەیا ئەمانەت بەغدا ئەوا ژنوو هاتییە خولا ستێرێن ئیراقێ گرێبەست دگەل یێ غامبی لامین ساماتە و یێ تۆنسی حەمدی عوبەیدی ئیمزاكر دگەل دا سێ یاریزانێن دی یێن ئەفریقی هەنە، ژلایێ خوەڤە یانەیا زەورا گرێبەستا یێ تۆنسی هەیسەم ئەلجوینی ئیمزاكر كو دبیتە یاریزانێ چارێ یێ ئەفریقی، دیسان نەفت میسان دگەل یێ كۆنگۆلی كرێست كۆفۆما گەهشتە ڕێكەڤتنێ، پێشتر یانەیێن جەوییە وتەلەبە هەر ئێكی دو یاریزانێن ئەفریقی ئینابوونە دناڤ ڕێزێن تیمێن خوە دا،
