یانەیێن كوردستانێ بزاڤێن پاراستنا مانا خوە دكەن
هەرسێ یانەیێن پارێزگەهێ دهۆك، سێمێل و تەناهی ئەركێ وان بوویە پاراستنا مانا خوە د خولا پلا ئێكا كوردستانێ دا پشتی دەستپێكی دا ئەو ئاست و ئەنجامێن هاتینە دانانا ب جهـ نە هاتین، دیاریێن وان یێن گەڕا نەهێ د ابتنێ بزاڤێن خوە قورتالكرنێ بوویە ژ ڕێزێن دووماهیێ.
هەرچەندە تیما یانەیا دهۆك سەركەفتنەكا گرنگ ل سەر یانەیا سێمێلێ ئینان ب دو گۆلان بەرانبەر گۆلەكێ لێ هێشتا یا د هێلا مەترسیێ دا، ژ هەشت یارییان هەشت خال كۆمكرینە ب دو سەركەفتن، دو وەكهەڤییان ل رێزا 12 دهێت، ئێدی ژبلی سەركەفتنێ دڤێت چ ئەنجامێن دی ڕازی نەبیت و یارییا گەڕِا 10ێ یا سێ شەمبییا بهێت دێ مێڤاندارییا یانەیا تەناهی كەت ئێك ژ دێربیێن دی یێن پارێزگەهێ دا.
ژلایێ خوەڤە یانەیا سێمێل هێشتا مانا خوە مسۆگەر نە كرییە ئەوا ژ هەشت یارییان 11 خال كۆمكرینە، ب سێ سەركەفتن، دو وەكهەڤییان ل رێزا نەهێ دهێت، سەرباری دەستپێكا وێ یا ئاگرین و هیڤیێن مەزن هەبوون بۆ هەڤڕكیێ ل سەر لیستێ، لێ تا ڕادەیەكی یا ژ دەستدایی، لێ د فوتبۆلێ دا روودان و پێشبینی دهێنە گوهۆڕین، یارییا بهێت دێ چارشەمبیێ بیتە مێڤانا كۆیە.
یانەیا سێیێ یا پارێزگەهێ تەناهی یە ئەوا هەر ژ دەستپێكا خولێ ڕاگەهاندنی ئەوان شیانێن هەڤڕكیێ ل سەر پلێتا دەربازبوونێ نینە ژبەر كاودانێن دارایی و بتنێ دێ ئارمانجا وان مانا د خولێ دا بیت، د یارییا بوری دا شیابوو ب گۆلەكێ سەركەفتنێ ل سەر ڕواندوز بینیت ژ رێزا 12 پێشڤە بچیتە ڕێزا هەشتێ ب 11 خالان ژ دو سەركەفتن و پێنج وەكهەڤییان.
