یانەیێن پارێزگەهێ خولا كوردستانێ شاراند
قەیس وەیس:
هەردو یانەیێن دهۆك و زاخۆ سەركەفتنێن گرنگ ئینان و ئاكرێ ب گۆلەكێ دگەل خودانا سەرێ لیستێ وەكهەڤبوون، ژ چارچووڤەیێ هەڤڕكیێن گەڕا 22ێ یا خولا پلا نایابا كوردستانێ یا فوتبۆلێ ئەوا ل پێنج شەمب و ئەینییا بۆری هاتینە كرن.
ل یاریگەها سێیێ تیما یانەیا دهۆك شیا سەركەفتنەكا گرنگ ل سەر مێڤانا خوە یانەیا چوارقۆرنە ب دو گۆلان بێ بەرانبەر بینت، هەردو گۆل ب لێدانێن پەنەلتیان رێباز رەحیم و جەبار كەریم تۆماركرن، ژلایێ خوەڤە یانەیا زاخۆ ژی ل یاریگەها دەلال دناڤ ئەرد و جەماوەرێ خوە دا سەركەفتنەكا گرنگ ل سەر مێڤانا خوە سەید سادق ئینا ب گۆلەكێ بێ بەرانبەر گۆلا كوڕێن خابووری ژلایێ یاریزانێ زێ هۆگر عەبدال ئینا، ژلایەكێ دووڤە تیما یانەیا ئاكرێ ژی دناڤ ئەردێ خوە دا یاری ئەنجامدابوو لێ دو خال ژ دەستدان پشتی ب گۆلەكێ دگەل یانەیا شێروانە خودانا سەرێ لیستێ ب گۆلەكێ وەكهەڤبوویی، هەرچەندە تیما ئاكرێ یا پێشكەفتی بوو ب گۆلا عەلی فائیق لێ د خولەكێن دووماهیێ دا تیما شێروانە شیا وەكهەڤیێ بینت.
ژ ئەنجامێن یاریێن دی، سیروانی نوو چنە-2 رانیە، پێشمەرگەیا هەولێر -چنە ئارارات، دەربەندیخان چنە- چنە هندرین، هەولێر چنە-1 شەقلاوە، سۆران 2-1 برایەتی.
بڤان ئەنجامان تیما شێروانە ب 40 خالان سەرێ لیستێ پاراست، پێشمەرگەیا هەولێر پێشڤەهاتە رێزا دویێ ب 37 خالان، ئاكرێ جهێ خوە ل رێزا سێیێ ب34 خالان پاراست، رانیە ب33 خالان، سیروانی نوو 32خال، هندرین 31خال، دەربەندیخان 30خال، چوارقۆرنە 30 خال رێزێن چارێ هەتا هەشتێ دهێن، زاخۆ ب30 خالان رێزا نەهێ و دهۆك پێشڤەهاتە رێزا 10ێ ب 27 خالان، برایەتی 25خال، سەید سادق ب24خال، هەر ئێك ژ سۆران، شەقلاوە، هەولێر و ئارارات ب 23 خالان ل دووڤ ئێم رێزێن 11ێ هەتا16 و دووماهیێ دهێن.
