یانەیەكا ئیماراتی داخوازا عیماد عیسای كربوو
شاهۆ فەرید:
د داخویانیەكێ دا عیماد عیسا گۆلپارێزێ یانەیا زاخۆ بۆ رۆژنامەیا ئەڤرۆ گۆت: پشتی ڤەگەڕانا من ژ هنگاڤتنێ هەتا نوكە گەهشتیمە ئاستەكی باش، سەرباری وەرزێ ئەڤ سالە دا دەرفەتا پشكداریێ بوو من كیم من هاتیەدان سێ یاریا سەرەكی بوویمە دو یاریا بوویمە باشترینێ یاریێ و گۆلا خوە پاقژ راگرتیە، پشتی ڤەگەڕیایم ژ هنگاڤتنێ دەرفەت نینە ئاستێ خوە دیاربكەم.
هەروەسان ناڤهاتی گۆت: وەكو یاریزان بەردەوامم دگەل یانەیا خوە و كەیفخوەشم لێ بۆ مانا خوە گەل زاخۆ هێشتا مە چ دانوستاندن نەكرینە دێ مینم یان بچم، هەرچەندە سێ یانەیان داخواز كریە وەرزێ بهێت گۆلپارێزیێ بۆ تیمێن وان بكەم، دەرفەتا گۆلپارێزیێ ژ خولا ئیماراتێ یا پلە ئێك بوو من هاتیە لێ ژبەر چەند ئەگەر و جێوازیا ئاستی نەچووم.
هەروەسان ناڤهاتی گۆت: هەر یاریزانەكێ هیڤیا وییە یاریێ بۆ ناڤ رێزێن هەلبژارتیێ ئیراقێ بكەت، ئەز كاردكەم دووبارە بهێمە داخوازكرن، سێ سالان گەل هەلبژارتیێ ئۆلمپیی پشكداری قارەمانییا كۆپا رۆژئاڤا ئاسیا بوویمە، كێمییا گۆلپارێزێن كورد دگەل یانەیێن هەرێمێ د خولا ستێرێن ئیراقێ دا ژبەر دووركەڤتنا یانەیێن مە بۆ وەرزێن چوویی، گۆلپارێزێ بیانی پتر دەلیڤە پێ د هێتەدان، راهێنەرێن گۆلپارێزێن كورد كێمن هەبوونا وان گۆلپارێز گەلدا پتر ئارام بیت، راهێنەرێ بیانی هاتنا خوە بۆ یانەیێن كوردی داخوازا گولپارێین وان ئامادەكری یان یێ باشێ تیمە كادی دڤیت، دڤێت كارگێریی بكەتە ئەرك گولپارێزەكێ كورد بۆ وان ئامادە بكەت بۆ تیما سەرەكی.