یانەیەكا فرەنسی پۆگبا ڤەگەڕاندە ڤە ژیانێ
یاریزانێ ناڤدار یێ هێلا ناڤین پۆل پۆگبا ب رۆندكێن كەیفخوەشیێ ڤەگەڕیانا خوە بۆ كاروانێ وەرزشی و یاریكرن د فوتبۆلێ دا ڕاگەهاندن، پشتی بۆ ماوەیێ 22 مەهان ب سزایێ دوورئێخستنێ ژ یاریگەها، ب فەرمی یانەیا مۆناكۆ ڤەگەڕاندنە ژیانا وەرزشی.
د كۆنگرەیەكێ رۆژنامەڤانی دا پۆل پۆگبای گۆت: هەستەكێ بێ سنورە دوبارە ڤەگەڕیایمە وەرزشێ دا و ڤیانا خوە یا زارووكینیێ، سۆپاسییا یانەیا مۆناكۆ دكەم دەرگەهێ ژیانا وەرزشی دوبارە بۆ من ڤەكری، من سزایێ خوە وەرگرت، لێ من خوە بێ ئۆمێد نە كر و ل سەر ڕاهێنانان بەردەوام بووم، سۆزێ ددەم بۆ وەرزێ بهێت ئێك ژ یاریزانێن كاریگەر و زیرەكبم دگەل تیما خوە.
