یان ههلبژارتن و پرۆسا دیمۆكراتی یان هێز!
شهوكهت ئامێدى
د سهد سالێن چووی دا د ناڤ زۆربهی مللهت و جڤاك و ههرێمێن جیهانی، ههر جڤاكهك ل دو بارودۆخێن ل ناڤخوه و دهرڤه و بهرژهوهندیێن زۆرینه جڤاكێ، پرۆسا ههلبژارتنێ ساخلهمبوونا دیمۆكراتی یا د بشكۆریت و زۆربهی خێل و جڤاك و پارتێن ڕامیاری یێن هاتینه دووركهفتن ژ ئهزمانێ چهك و هێز و ههرهشێن د ئێش،
جهێ دلئێشێ یه ئهڤه جهند جاران ههلبژارتن د ههرێما باشوورێ كوردستانێ دا هاتهكرن. كو د ب بیته سونبولهك ژ بۆ پارچێن دی یێن ههرێمێن كوردستانێ. بهلێ زۆربهی زۆری پارتێن ههرێمێ نه بهس نهشیاینه مفایهكی ژ ڤێ ئهزموونا هندا ژێهاتی بكهن، بهلێ هنده جاران ژی یێ بوویه ئهگهرا دو تفاقی و دلتهزینێن وهسا كه ههتا مرۆڤ مایه خالێن ڕهشێن نهشرین د مێژۆیا واندا بێهنه توماركرن ئهوژی(براكۆژی) بوو هنده جاران خۆفرۆشی بێ بهرانبهر!. د ههمان دهمدا زۆربهی ژ وان ل سهر میمبهران و دهزگههێن ڕاگههاندنێ ژ ئهفلاتۆنی و سوقراتی جوانتر د پهیڤن و باسێ ئهزموونا دیموكراسی دكهن! ژ لایهكێ دیڤه نهشیاینه ئهزموونهكێ ژ شاشیێن چوویی بكهن و بهری ههر دهنگدانهكێ ب ڕۆهنی و ئاشكهرا ب پروتوكۆل ل گهل ئێك بپهیڤن و بێخنه سهر ماسێ و نیشا جڤاكا كوردی بدهن.
ل ههموو دونیایێ ئهو پارتا ڕێژا زۆرینه ب دهستڤهدئینیت ئهگهر بشێت ٥٠ زائید ئێك خركهت ژ كیژ لایانه كیڤهبیت. دێ شێت دهسههلاتێ ب ڕێڤه بهت و لایانێن دی یان دێ بنه ئۆپوزسیۆن یان دێ دهست ب خهباتهكا مهدهنی یا سهردهمانه كهن، ههتا دهنگدانهكا دی.
ئهڤه زێدهتر ژ 150 ڕۆژان ل سهر دهنگدانێڤه دهرباز بوون، باش یان نهباش ب عهدالهت یان ب سهخته.. من ڕێزهكا مهزن یا ههی ژ بوو شڤان و گاڤانان. لێ ئهو ژی دزانن كا كیژ هێزا زۆرینهیه، ههروهسا ل دو پرۆسا دیمۆكراتی زۆرینه یا ئازاده، كا دێ ل گهل كێ و كیژ هێزێ دهسههلاتێ ب پێكئینیت.
ئهڤه ههموو دهم ژ دهستدانه و پشهپشه و دان و وهرگرتن و لێگڤهكرنا پۆستان و نهشرینكرنا ئێك پشتی ئهڤی ههموو دهمی. (ئهگهر ژ بوونا هێزا چهكداری نهبا. كا كی ئهڤێ نمهنما بێ واتا قهبوول دكهت؟) گهلۆ ئهڤه سهپاندنا هێزێ یه یان بهڵاڤكرنا پرۆسا دیمۆكراتی یه؟ ئهرێ ئهوێ نهزانیت بخوینیت، خوه دزانیت كا هوونێ چ دبینه ئێك؟. ئهمریكا و ڕۆس بهس نینن د نابهرا ههوه دا، هوون جارهكا دی یێ ل هیڤیا ئهنقهره و تههرانێ نه ههوه ڕێكبێخیت؟ شوونا ئهڤرۆ دهسههلاتێ ههموو كابینا خوه دامهزراندبا و دهست ب خوزمهتگوزاریێ و چاكسازیێ كربا. ههتا نوكه ب نهێنی و ئاشكهراڤه یێ سهرهدانا ئێك دكهن و ل بهر چاڤێن كامیران ئێكودو ماچی دكهن و بێ ئهنجام. ئهگهر ڕێككهڤن ژی ل سهر پۆست و پله و پاران یان ب فشارا ههر هێزهكێ، ئهز قهد یێ بێ ئومێد نهبیمه و نابم، لێ چ ماست نه هاتینه مهیاندن بێ هێڤن، ئهڤ ڕێككهفتنێن هۆسا د بێ هێڤێنن. پێكهاتنێن هۆسا ژی ئهڤرۆ یان سوباهی دێ ئهنجامێن وان ژ بۆ جڤاكا بێ دهسههلات دیار بیت.
