یا ئامادەیە خانمان فێری كارێن دەستی بكەت
عەزیز هەورامی:
هەنا جەمال، خانمەكا دەستڕەنگینا خەلكا پارێزگەها حەلەبچە یە، د دیدارەكێ دا بۆ رۆژناما ئەڤرۆ گۆت: بەری چەندین سالان ئەڤ حەزە ل دەف من هەبوو، بەلێ ئەڤە سێ سالن ب دروستی كاردكەم و من پشكداری د هژمارەكا پێشانگەه و فەستیڤالان دا كریە و چەند بەرهەمێن خوە ژی من فرۆتینە و یا خۆشحالم كو دشێم ب رێیا كارێن دەستی داهاتەك بۆ من ژێ دهێت.
هەروەسا گۆت: هەر تشتەكێ ئەز چێدكەم د سۆشیال مەدیایێ دا بەلاڤ دكەم و سوپاس بۆ خودێ رۆژ بۆ رۆژێ بكڕێن بەرهەمێن من زێدەتر لێ دهێت، لەورا داخواز ژ هەر خویشك و دایكەكێ دكەم هەكە حەزا ڤی كاری هەبیت بلا بهێن دێ پشتەڤانیێ لێ كەم و فێری كارێن دەستی كەم.
