یهكسانی د مافێن گهنجان دا
ههكه سهحكهینێ چهندا گرنگه گهنج ل ناڤ وهلاتی رۆلێ خوه بگێریت، مفایهكێ ههرێ مهزنه بۆ پاشهرۆژا وهلاتی، ئهرێ چ بۆ ڤی گهنجی هاتیه كرن یانكو پووته ب ڤی گهنجی هاتیه دان یا نه؟ نهخێر بهس حوكمهتێ یان ژی دهسههلاتێ پووته ب دانعهمری یا دایی، ئهو ژی بۆ زێدهركرنا دهنگێن هندهك حزبان و دهنگدانێ یه، مخابن ئهم گهنجێ خوه بفرۆشین بۆ دهنگهكی یان بۆ سهركهفتنا حێزبهكێ یان بۆ سهركهفتنا لایهنهكێ سیاسی یان حوكومی، بهردهوام ئهم دبینین گهنجێ مه یێ پاش گوه هاڤێتیه ژێ لایێ حوكمهتێ ڤه، ئهو ژی كی كارتێكرنێ ل سهر حوكمهتێ دكهت، گهنجێ مه چ كور یان كچ، یێ مایه بێكار و خودان باوهرنامه دامهزراندن نینه، مووچه نینه، تایبهت گهنجێ ههژار، بهلێ گهنجێ ب خودان یان كورێ زهنگینهكی یان بهرپرسهكی، ههموو تشت دبهرههڤن بۆ وی، ل ڤێرێ ژی لاوازیهكا مهزنه ههیه، جوداهی د ناڤبهرا گهنجێ فهقیر و یێ زهنگین دا خودێ ژی قهبوول ناكهت، كی وهلاتی دپارێزیت؟ گهنجێ كێ وهلاتی برێڤهدبهت؟ گهنجێ كێ خوه ددهته كوشتن و گهنجێ كێ دبیته پێشمهرگه و گهنجێ بهرپرسی خوه ددهته كوشتن؟ نه كوڕێ بهرپرسی یه خوه ددهته كوشتن؟ كی یه وهلاتی دپارێزیت؟ ئهرێ كورێ زهنگینی و بهرپرسی یه؟ نهخێر ههر تشتهكێ وان بڤێت بدهست خوهڤه دئینن. ئهرێ باوهركهن بۆچی ئهگهر و كی ئهگهره؟ حهتا نوكه ئهڤه بوونه 20 سال و وێڤهتر، مه وهلاتهكێ سهربهخوه یێ ههی، ئهو ژی باشوورێ كوردستانێ یه، هێشتا ئهم بها و قهدرێ گهنجی نزانین، چێ كچ چ كوڕ، هیڤیدارین ژ حوكمهتا ههرێمێ و سهرانێن وێ، دهستێ خوه ب سهرێ ڤی گهنجی دا بینیته خارێ، چنكو مفایه بۆ پاشهرۆژا وهلاتی و مللهتی، چنكو حهتا نوكه مه نه دیتیه ئێكی ب دورستی پووته ب ڤی گهنجێ دای، كهنگی نیڤا گهنجێن مه دهركهفتینه دهرڤهیی وهلاتی، مانه مخابن؟ ڤێجا ئهز دبێژم وهلات ب گهنجی دهێته راگرتن و برێڤهبهرن و پاراستن. ل سهر حوكمهتێ ئهركه ههموو دهرگههان ل شیانێن گهنجان ڤهكهت و ههلێن كاری بۆ دابین بكهن دا مفا ژ شیانێن وان بهێته وهرگرتن و د رێكا ئاڤهدانكرنا كوردستانێ دا بهێنه مهزاختن. ب ڤی رنگی دێ رێك ل بهر ئاواره بوونا گهنجان بهرهف وهلاتَێن ئهوروپی ب ساناهی ئێته گرتن و ل جای ئهو شیانێن وان ل دهرڤه بهێنه مهزاختن، دێ كوردستان پێ ئاڤهدان بیت و ههستا نیشتمان پهروهریێ ژی دێ ل دهف وان بلند بیت. گهنج سهرمایێ وهلاتیه و نابیت ب ههر سهدهمهكی بیت ئهڤ سهرمایه ب ههدهر بچیت.
