یه‌لدا
نایف محمود
د شه‌ڤه‌كا
خه‌ونێن درێژ
زڤستانه‌كا سار و دژوار و
تیر هاڤێژ
كه‌تم شۆپا، دێم گلۆپا
گه‌رده‌ن رستك، تژی مۆری
هه‌یڤا قه‌شه‌نگ
ئه‌و چ حوری…
دل بوو ئێتوون
ژ عه‌شقا وێ كه‌لی و فیرها
ئه‌و ستێرا ئه‌سمانێ شه‌ڤێ
د گه‌ل وێ عاشق و شه‌یدا
مه‌لهه‌ما
ته‌ڤ كول و ده‌ردا
بۆ خه‌مێن من،
ده‌ردو ژان و برینێن من
بوهارا و نه‌ورۆز و یه‌لدا
ژ نوو وه‌ره
د ناڤ داڤێن پرچا ته دا
تاڤیه‌كا په‌یڤا برێسم
هه‌ناسه‌كا بیرهتنا
ل سه‌ر سینگێ ته بكێشم
پێكڤه ببینه بابه‌لیسك
سه‌ما به‌لاتینكا بكه‌ین
ببین دو ڕێڤنگێن
دوهی
وه‌ریانا وان
خه‌مێن كووڤی
شاهسوارێن
هه‌سپه‌كێ بۆز
بۆ كاروانێ رۆژێ بچین
بۆ شادی و هه‌مبێز و ژینێ
ده‌ست و دلێن خوه
تێك وه‌ر كه‌ین
21/12/2021
