یوتیوب شورت كه‌فته به‌را تیك توكی
ئه‌ڤرۆ، زانست:
مالپه‌رێ یوتیوبی “یوتیوب شورت” ئاماده‌كربوو بۆ هه‌ڤركیا بابه‌تێن وه‌كو یێن تیك توكی و ئینتسگرام رێلس، نوكه راگه‌هاند كو هه‌یڤانه ملیار و نیڤ دیتن یێن هه‌ین.
ئه‌ڤه ژماره‌كا گرنگه و به‌حس ل گه‌شه‌پێدانا ڤێ پشكا یوتیوبی دكه‌ت و ئه‌ڤه كۆمپانیا ئه‌مریكی پال دده‌ت كو ب ره‌نگه‌كێ جودا هه‌ڤركیێ بكه‌ت.
هه‌كه‌چوو ئه‌ڤ جۆرێ بابه‌تان گه‌له‌ك یێ كاریگه‌ره، پشتی بۆرینا ده‌مه‌كێ كێم ژ ڤێ ساخله‌تا یوتیوبی، ئه‌ڤ ژمارێن پیڤانه‌یی تۆمار كرن، ئه‌ڤه ژی وێ چه‌ندێ ناگه‌هینیت كو گه‌هشته تیك توكی یان نێزیك بوویه، به‌لێ د راستی دا ژ تیك توكی بوری.
ب گۆره‌یی مالپه‌رێ ستاتیستا تیك توكی 1.2 ملیار بكارئینه‌ر هه‌نه د هه‌یڤه‌كێ دا، ئه‌ڤه ژی وێ چه‌ندێ دگه‌هینیت كو نها یوتیوب شورت ل گۆپیتكێ یه، ژ به‌ر كو یێن وێ 1.5 ملیاره. د رۆژێ دا زێده‌تری ملیار جاران ئه‌ڤ پشكه دهێته ڤه‌كرن. ئه‌ڤه ژی گرنگیا ڤێ پشكا گرنگا یوتیوبی دیار دكه‌ت.
ل ماوه‌یێ بوری كۆمپانیا یوتیوب یا ئه‌مریكی كۆژمه‌كی مه‌زن یێ پاره‌یی خسته د خزمه‌تا پشكا یوتیوب شورت دا و بزاڤ كرن كو ژ هه‌موو لایان ڤه گه‌شێ ب ڤێ پشكێ بده‌ت و هه‌ر ئه‌ڤه بوو یا ژێ دهاته چاڤه‌رێكرن.