یونس عەبدوللا: د هەر قارەمانیەكێ دا بێ سەركەڤتن نا ڤەگەڕین
هەرهین محەمەد:
دداخویانیەكێ دا یونس عەبدوللا راهێنەرێ تایكواندۆیێ بۆ ئەڤرۆ گۆت:بەری چەندەكێ ئەم وەكو یانەیا گارە پشكداری قارەمانیەكا تایكواندویێ بووین ل پارێزگەها كەربەلا كو یاریزان بهێتە ژێگرتن بۆ هەلبژارتیی و دڤێ قارەمانیێ دا شەش یانە تێدا پشكداربوون ب یاریزانێن كورو كچان تێدا پشكداری كر و ئەم وەكو یانەیا گارە ب پێنچ رستك ب دەست خوە ڤە ئینان و چار ژوان زیڤ بوون و یادی برونز بوو.
ناڤبری گۆت: هەر قارەمانیەكا تایكواندۆیێ هەبیت ئەم پشكداردبین و ئەم بێ سەركەفتن ژی نازڤرین و مە ل پارێزگەها دهۆكێ یاریزانێن باش هەنە، بەلێ پشتەڤانی بۆ نینە و هەكە پشتەڤانی نەبیت نەشێن بهێنە ئاستێ باسكێت بۆلێ و تەپاپێ‌ی و هەكە پشتەڤانی ل راهێنەرێن تایكواندۆیێ بهێتەكرن دێ باشترین هەلبژارتیێ پارێزگەها دهۆكێ هێتە هەلبژارتن وەك یاریزانێ تایكواندۆیێ و بەژداری دی هێتەكرن و بێ سەركەفتن نا ڤەگەرن و هەتا نوكە مە هەلبژارتیێ پارێزگەها دهۆكێ نینە وەكو هەلبژارتی و ب مخابنی ژی ڤە هەتا نوكە راهێنەرێن مە هەموو ژی دبێ هاریكاری نە و مووچەنە و هەركەسەك ب خوە كاردكەت و ئەو هولێن لێ كاردكەن ژی هەموو كرێ ل سەر كیستێ ئەوانە.
زێدەتر گۆت: تایكواندۆ یاریەكا جەنگی یە و هەركەسەك ژ بۆ مەرەمەكی ئەڤێ یاریێ دكەت و هندەك ژ بۆ ساخلەمیا لەشێ و خوە و هندەك ژ بۆ دابەزینا كێشەیا لەشێ خوە و هندەكان ژی دڤێت بیتە یاریزان و پشكداری قارەمانیان بیت و سەركەفتنێ ب دەست خوە ڤە بینت.
