یونس محسن: سه‌رباری ده‌ستڤه‌ئینانا رێزێن پێشیێ ب بڕێنا مووچه‌ی خه‌لاتكرم
زاخۆ،عه‌لی حاجی :
د داخویانیه‌كێ كوڕێ باژێرێ زاخۆ و یاریزانێ هه‌لبژارتیێ ئێراقێ یێ یاریێن گۆره‌پانێ بۆ رۆژناما ئه‌ڤرۆ دیاركر كو هه‌تا نوكه بابه‌تێ نه دانا مووچێ وی مایه هه‌لاویستی دناڤبه‌را لژنا ئۆلۆمپی و ئێكه‌تیا گۆره‌پانێ ل ئیراقێ و ئه‌ڤه هه‌یڤا شه‌شێ یه بێ به‌هره ژ مافێ خوه.
زێده‌تر یونس محسن گوت: پشتی بۆ ماوێ شه‌ش هه‌یڤه و چه‌ندین پشكداریان ل گه‌ل هه‌لبژارتیێ ئیراقێ بۆ هاڤێتنا رۆمی د قاره‌مانیێن ده‌رڤه ل وه‌لاتێ تونس و ئیرانێ و چه‌ندین پلێن باش ب ده‌ستڤه‌ئیناین ژوانا رێزێن ئێكێ و دویێ و بزاڤێن من ئه‌و بوو پشكداری ئۆلۆمپیادا تۆكیۆ بكه‌م، لێ ژ نشكه‌كێ ڤه پشتی چه‌ندین داخازیان ژلایه‌نێن په‌یوه‌ندیدار بۆ بابه‌تێ دانا مووچێ من وه‌كو یاریزانێ هه‌لبژارتیێ ئیراقێ مایه هه‌لاویستی نه لژنا ئۆلۆمپی و نه ئێكه‌تیا گۆره‌پانا ئیراقێ به‌رسڤێ دایه، ئه‌ڤچه‌نده ژی جهێ دلگرانیێ بوویه و كه‌س پشته‌ڤانیێ ل مه ناكه‌ت سه‌رباری ئه‌وێ زه‌حمه‌ت و ره‌نجا شه‌ش هه‌یڤێن بوری ل دووماهیێ ئه‌ز ب نه‌دانا مووچێ خه‌لاتكری مه، له‌ورا هیڤییا مه ئه‌وه ژ به‌رپرسێن مه یێن وه‌رزشی هه‌ڤكاریا مه بكه‌ن بۆ چاره‌سه‌ركرنا ڤێ ئاریشێ.
ژلایه‌كێ دیڤه ناڤهاتی گوت: سستاهیه‌ك د كارێ ئێكه‌تیا گۆره‌پانێ دا هاتیه كرن كو چو كه‌مپێن باش و مفا بۆ یاریزانا نه هاتینه دانان ب تنێ ئه‌و كه‌مپێ دو حه‌فتیا ل باژێرێ سلێمانیێ نه بیت ئه‌وژی مه پێدڤیێن خوه یێن وه‌رزشی ل گه‌ل خوه بۆ كه‌مپێ دابینكرن كربوون وێ چه‌ندێ دیاردكه‌ت كو ئێكه‌تیه‌كا لاوازه له‌ورا چو یاریزانێن باش نا ده‌ركه‌ڤن بتنێ هه‌كه هنده‌ك یانه پشته‌ڤانیا رێَژه‌كا كیم یا یاریزانێن خوه بكه‌ت كو پێشبینیا نه مانا ڤێ یاریێ دهێته كرن هه‌كه بڤی شێوه‌یی یا به‌رده‌وام بیت.
