یونس مەحمود: حەکیم شاکر ژ زیکۆی باشترە
کاپتنێ ھەلبژارتیێ عيراقێ یونس مەحمود شێوازێ کرنا یاریێ یا راھێنەر حەکیم شاکر ژ ئەوان راھێنەرێن بیانی باشترە ئەوێن سەرپەرشتیا ھەلبژارتیێ عیراقێ کری ژ وانا زیکۆ و ڤیێرا، ھزرا راھێنانێن حەکیم شاکر گەلەک باشترە ژ یا راھێنەرێ بەرازیلی زیکۆ ئەڤە و چەندین گۆتنێن دی ژ لایێ یونس مەحمود ھاتبوونە دیارکرن د بەرنامێ یاریکەرێ 12 ل کەنالێ شەرقیە یێ عیراقێ.
ناڤبری ئەو چەندە ژی دیارکر بوو راگەھاندنا عیراقێ و چەند پشتەڤانێن وەرزشی دژاتیا ھەلبژارتیێ عیراقێ دکەن و تایبەت یا راھێنەر حەکیم شاکر چونکو شیا د ماوەکێ کورت دا چەندین دەستکەفتیا تۆمار بکەت و دبینت ھەکە ئێکەتیا تەپا پێ یا عیراقی ل ڤی دەمی پشت بەستنێ ل سەر حەکیم شاکری بکەت باشترە ژ بەر کو شارازیەکا باش ھەیە و ماوەکێ درێژە ل گەل یاریکەران.
یونس درێژیا ئاخفتنێن خوە دا ئەو چەندە ژی دیارکر بوو د مێژویا تەپا پێ یا عیراقی دا باشترین راھێنەر ھاتی عه‌دنان حەمەد بوو کو ڤی راھێنەری شیابوو شەنگستەکێ باش بۆ ھەلبژارتیێ عیراقێ دروست بکەت .
