یوڤانتۆس دێ تووشی سزایێن مه‌زن بیت
ئه‌ڤرۆ،
یانا یوڤانتۆس یا ئیتالی لبن گه‌ڤێن دوورئێخستنێ و سزادانێ دا یه پشتی لژنه‌یا نه‌زاهێ ل ئیتالیا دووڤچوونا باده‌كا تایبه‌ت یا گرێبه‌ستێن یاریزانا كرین ئه‌وێن د ماوێ سێ سالێن بوری دا هاتنه د ناڤ رێزێن یانا ئیتالی دا و دوور نینه بڕیارا دوورئێخستنا یۆڤانتۆس ژ پلا ئێك بۆ پلا دو یا خولا ئیتالیا بهێته كرن و ناسناڤێن سالێن بوری ژێ بهێته وه‌رگرتن و دیسان سزادانێن دارایی ژی ل سه‌ر بهێنه سه‌پاندن.
ماركۆ دونزێلی سه‌رۆكێ لژنا نه‌زاهێ و مافێن وه‌به‌رهێنه‌ران بۆ په‌یچێ میركات tmw كو رۆژناما ده‌یلی مێل یا بریتانی به‌لاڤكری گوت: ئه‌و به‌لگه‌یێن هاتینه كۆمكرن تێرا هندێ هه‌یه كو یۆڤانتۆس یا گونه‌هبار بیت لسه‌ر ره‌فتارا خوه یا نه یاسایی تایبه‌ت ب گرێبه‌ستێن نه یاسایی ژوانا گرێبه‌ستا كرستیانۆ رۆنالدویی ئه‌وێ ل سالا 2018 ب 100 ملیۆن یۆرۆیا هاتیه یۆڤانتۆس و ب 15 ملیۆن یۆریۆیا گرێبه‌ستا مانچسته‌ر یۆنایتد ئیمزاكری، هه‌روه‌سان بازرگانیا ب گۆمان ل گه‌ل چه‌ند كۆمپانیێن ده‌رڤه‌یی ئیتالیا هاتینه كرن.
لدووڤ رۆژنامێن ئیتالیا كو پشكا دارایی یا پۆلیسێن ئیتالیایێ شه‌ش به‌رپرسێن یۆڤانتۆس كرینه د خانا گۆمانێ دا ژوانا، ئه‌ندرێیا ئانێلی سه‌رۆك یانه، باڤێل نێدڤێد چێگری، فابیۆ باراتێچی رێڤه‌به‌رێ وه‌رزشی ئه‌وێ نوكه ل گه‌ل یانا تۆتنهام یا ئنگلێزی.
