یوێفا دێ VAR بۆ قارەمانیا چامپیونسلیگ ب کارئینیت ؟
ئەڤرۆ نیوز:
ئێکەتیا تەپاپێ یا ئوروپا یوێفا یا ھزر د بکارئینانا تەکنولوژیا VAR ل یاریێن قارەمانیا ئوروپا چامپیونسلیگ دا ل قارەمانیا ٢٠١٨-٢٠١٩ دا.
رۆژنامەیێن بریتانی دیارکر کو ئێکەتیا تەپاپێ یا ئوروپا دێ گەنگەشێ ل کومبونا خوە یا بھێت ل بارەگایێ خوە ل مێرنیشینا موناکو یا فرەنسی ئەگەر ئەو پلانا بۆ ھاتیە دارشتن ل سەر گرت دێ ھێتە بلندکرن بۆ لژنا بریاردانێ داکو دەنگدانێ لسەر بکەن ل رۆژا ٢٧ ھەیڤا بھێت پشتی ڤێ تەکنولوژیایێ ب سەرکەفتیانو ل موندیالا روسیا دا بکارھاتی.
ھەمان ژێدەر ئەگەرێ نە کارئینانا ڤێ چەندێ ژلایێ یوێفایێ ڤە بۆ دو ئەگەرا زڤراند ئەو ژی نەبونا دادڤانێن شارەزا ڤێ تەکنولوژیایێ بکار بینن دیسان ھندەک ئەگەرێن گرێدای ب نەبونا ژێرخانەیا یاریگەھان کو یا ب زەحمەتە تێدا بھێتە بکارئینان و بەری نوکە حەزا وێ چەندێ ھەبوو ئەڤ تەکنولوژیایە تنێ ل قوناغا ھەشتێ یا قارەمانیا چامپیونسلیگ دا بھێتە بکارئینان لێ ئەڤ بریارە ھاتە رەدکرن لێ ل ماوێ بھێت کومبونێن یوێفایێ دێ ڤێ چەندێ ئێکلا کەت ب کاربینن یان نە.
ھەژی گۆتنێ یە ھەشت وەلاتێن ئوروپی ڤێ تەکنولوژیا VAR ب کاردئینن ئەو ژی ئەلمانیا، فرەنسا، ئیتالیا، بەلجیکا، ئسپانیا، پولەندا، ترکیا و پرتوگال.
