یۆزارسیفێ كوردستانێ گه‌هشت!!
ل ده‌مه‌كى ملله‌تێ مه دره‌وشه‌كا هه‌ستیار دا دژیت و چاره‌نڤیسێ مه یێ دگه‌هیته لۆتكه‌یا بلندبوونا خوه بۆ گه‌هشتنا مافێن خوه یێن چاره‌نڤیس، به‌لێ ده‌نگێن نه‌شاز ژى ل ره‌خه‌كى رۆلێ خوه دگێرن. د هه‌ر واره‌كى دا، ئه‌ڤجا خه‌لكى ب بیاڤێ ئابوورى دترسینن نه كو ئابوورێ مه لاوازبیت، یانژى عیراق پتر گه‌فێن هه‌مه‌جۆر بكه‌ت، به‌لێ ئه‌ز بخوه یێ پشتراست بووم كو ڤى ملله‌تى هنده‌ك سه‌ركرده و خه‌مخۆر هه‌نه، شه‌ڤ و رۆژان دكه‌نه ئێك ب په‌یوه‌ندیێن خوه و سه‌رده‌ریا ل گه‌ل زۆر وه‌لاتێن مه‌زن هه‌ین، هه‌میێ دكه‌ن پێخه‌مه‌ت ڤى گه‌لێ بریندار و دلسۆز راگرن، پشتراست ڤى ئه‌مانه‌تێ دێ پاریزن و مه گه‌هیننه كنارێ ئێمن!!، ناخوازم زێده‌تر عاتیفانه بدارێژم به‌لێ ب میناكێن به‌په‌له دێ به‌رجسته‌كه‌م. ل دۆر گرێبه‌ستا رۆزنه‌فتا رۆسی ل گه‌ل حوكمه‌تا هه‌رێما كوردستانێ ب سه‌رپه‌رشتیا نێچیرڤان بارزانی سه‌رۆكێ حوكمه‌تێ كو ب هه‌ول و هیمه‌تا وى گرێبه‌سته‌كا دیرۆكى د ناڤبه‌را هه‌رێمێ و رۆز نه‌فتا رۆسی دا ژ كۆ 60% پشكێن وێ یێن حوكمه‌تا رۆسیانه هاتیه ئیمزاكرن كو ل به‌ره ئه‌ڤ بۆریا گازا سروشتییا هه‌رێما كوردستانێ سالا 2019 بۆ مه‌ره‌ما بكارهێنانا ناڤخوه ته‌مام ببیت و بۆ سالا 2020 بهێته ئه‌نجامدان. هه‌مى دزانن رۆسیا سۆر وسۆر ل به‌رژه‌وه‌ندیێن خوه یێن ئابوورى دگه‌ریێت، دخوازیت هه‌ر وه‌لاته‌كێ بێهنا خێرو بێران ژێ بهێت بۆ خوه بكه‌ته دۆست، میناك ژى رژێما سووریێ یه كا چه‌ند خوه بۆ كریه مه‌تال؟! رۆسیا نیڤا دونیایێ یه و ژبیر نه‌كه‌ین جه‌مسه‌رێ دى یێ جیهانێ یه، ژ به‌ر هندێ ئه‌نجامدا ڤێ گرێبه‌ستێ دبیته واریڤانه‌ك سه‌رباری ئه‌وروپا ئه‌مریكا بۆ هه‌رێما كوردستانێ د پاشه‌رۆژێ دا. كا دا به‌رێ خوه بده‌ینێ ب تیر و ته‌سه‌ل كا رۆسیا دێ چاره‌نڤیسێ بازرگانیا خوه چه‌ند ب گرنگى پارێزیت؟! ئه‌ڤ كۆمپانیا رۆزنه‌فت بڕا ئێك ملیار دۆلار ته‌رخان ده‌كه‌ت بۆ راكێشانا بۆریا گازا سروشتی بۆ توركیا. ئه‌ڤێ بۆریێ شیانا هنارتنا 30 ملیار مه‌ترێن سێجاركى یێن گازا سروشتی سالانه هه‌یه!!. ئه‌ڤجا تو دخوازى رۆسیا پشتا مه نه‌گریت و ئه‌م د دۆخه‌كێ هه‌ستیار دا و مه ل به‌ره ڤان رۆ ژان ده‌نگێ خوه بۆ سه‌ربخوه‌یێ بده‌ین؟
ئه‌ڤه ژى ب ڤان نێزیكان دێ ه به‌یاننامه‌كا فه‌رمى دڤى واری دا هێته وه‌شاندن، ل گۆر به‌رده‌ڤكێ كۆمپانیا رۆزنه‌فت میخایل ڤلادیمیرۆڤیچ، كو د لێدوانه‌كا تایبه‌ت دا بۆتۆڕا میدیایی یت رووداوێ راگه‌هاندبوو، واژۆكرنا وێ گرێبه‌ستی د ناڤبه‌را كۆمپانیێ و حوكمه‌تا هه‌رێما كوردستانێ دا پشتڕاستكریه و راگه‌هاندیه!.
تشتێ باشتر و دلرحه‌تتر ئه‌وه كو ئه‌و بۆریا په‌یوه‌ندیدار بۆ هنارتنا نه‌فت و گازێ دێ د توركیا دا ده‌ربازبیت، ب راستى ئه‌ڤه ئاماژه‌كه كو توركیا یا ل سه‌ر قائیله.
３. ده‌مه‌كێدا ئه‌م نێزیكی ئه‌نجامدانا ریفراندوومێ دبین ده‌وله‌تێن مه‌زن گرێبه‌ستێن خوه دگه‌ل حكومه‌تا مه ئیمزا دكه‌ن ئه‌ڤه‌ژی رامانه‌كه كۆ هیچ مه‌ترسیه‌ك ل سه‌ر ئاینده‌یێ هه‌رێمی نابیت. ئه‌ڤه نه مژاره‌كا بچووكه كو ب چوڤه نه‌هێته وه‌رگرتن، به‌لێ دێ وه‌به‌رهێنان ده‌ربازى توركیا ئه‌ورۆپا ژى بیت. ب دیتنا من هه‌كه ئه‌ڤه نه‌هێته كرن، ئیران دێ بۆ خوه ڤه‌كێشیت ب رێیا حوكمه‌تا عه‌باده‌ى. ئه‌ڤجا ما رۆش فه‌رتره یان ئیران؟ نه‌خاسمه ئێرانێ تێرا خوه و حه‌فت باپیرێن خوه خێراتێن عیراقێ برینه!!. ئه‌ڤجا مه هیڤیه ئابوورێ مه سیاسه‌تا مه بلندتر لێبكه‌ت و ئه‌م ل نێزیك بگه‌هینه مافێن خوه یێن ره‌وا.
