یۆڤانتۆس دووماهی ده‌لیڤه بۆ دی ماریایی دیاركر
ئه‌ڤرۆ،
یانا یۆڤانتۆس یا ئیتالی دووماهی ده‌لیڤه دایه یاریزانێ پاریس سانجێرمان یێ ئه‌رجه‌نتینی دی ماریا ژبۆ به‌رسڤا گرێبه‌ستا یانا ئیتالی ئه‌وا حه‌فتیه‌كه بۆ یاریزانی هاتیه پێشكێشكرن و چو به‌رسڤ نه‌داین.
دهێته چاڤه‌ڕێ كرن دی ماریایی ل گه‌ل یانا فره‌نسی د ئه‌ڤ ساله دا یێ ئازاد بیت و دشێت چو یانا بڤێت گرێبه‌ستێ ل گه‌ل ئیمزابكه‌ت بێ چو مه‌رج ل سه‌ر بهێنه سه‌پاندن، له‌ورا هه‌ر ئێك ژ یانێن یۆڤانتۆس و به‌رشه‌لۆنا ب هێز هاتینه دناڤ بازارێ ڤه‌گۆهاستنا یاریزانی و ئیمزاكرنا گرێبه‌ستا وی، لێ یانا ئیتالی رژده ب هه‌ر شێوه‌كێ بیت دی ماریایی ب ده‌ستخوه ڤه‌بینن، رۆژناما لیكێب یا فره‌نسی دیاركریه كو بێده‌نگیا یاریزانێ ئه‌رجه‌نتینی یانا یۆڤانتۆس تۆره كریه و به‌رسڤا گرێبه‌ستا وان نه‌دایه سه‌رباری زێده‌كرنا كۆژمێ وێ ژ چار ملیار و 500 ملیۆن یۆرۆیان بۆ حه‌فت ملیۆن یۆرۆیان بۆ ماوێ دو وه‌رزان و چاڤه‌ڕێ یه ئه‌ڤرۆ بێده‌نگیێ بشكێنیت و به‌رسڤا یانا ئیتالی بده‌ن
