یۆڤانتۆس و سێڤییا ھەمبەری دو ئاستەنگێن بھێز دا
ئەڤرۆ،
یۆڤانتۆس – پورتۆ
یاریگەھا دراگاۆ دێ بیتە گۆرەپانا شەڕی بۆ سەرکەفتنێ دناڤبەرا خودانێن ئەردی یانا پورتۆ یا پۆرتۆگالی و یۆڤانتۆس یا ئیتالی ژبۆ نێزکبوونا قۆناغا ھەشتێ ژ قارەمانیێ، ھەرچەندە یانا پورتۆگالی باش دزانیت ئەرکێ وێ ھەمبەری ئێک ژ بھێزترین یانێن ئۆرۆپا ب سانەھی نابیت ئەوا دێ پشتبەستن لسەر چەند ستێرێن خوە ژوانا کریستیانۆ رۆنالدویی و ڤەگەریانا پاولۆ دیابالا لێ ھەمبەری وێ دێ بیێ بەھر بیت ژ شیانێن یاریزانان ئارۆن رامز، خوان کوادرادو و ئارسەر ھێدرێک ژبەر ھنگافتنێ، چەکێ بەردەستێ یانا پورتۆ ئەرد و گۆلکەرێن وێ یێ ئیرانی مەھدی تارمی و سێرجیو ئۆلیڤێرایە، ژلایێ خوەڤە ستێرا یانا یۆڤانتۆس رۆنالدوی دیارکر کو ڤێ یاریێ تایبەتمەندیا خوە ل دەڤ ھەیە و دڤێت خووسارەتیا یاریا خولا ئیتالی ئەوا ل گەل نابۆلی ژبیر بکەن و بۆ رۆژناما Global Newspapers یا ئیتالی گوت: نا ھێلین چو یانە شەمەندەفرامە ب راوەستینن ھەتا بگەھینە ئارمانجا خوە لێ رامانا وێ نینە یانا پورتۆ یا لاوازە، بەلکو ئاستەنگە دێ بزاڤێ کەین ژێ دەربازبین.
سێڤییا – بورۆسیا دۆرتمۆند
ل یاریگەھا خوە یانا سێڤییا یا ئسپانی دێ مێڤانداریا برۆسیا دورتمۆند یا ئەلمانی کەت، خودانێن ئەردی دێ ب زاخەکا بلند ھێنە دناڤ یاریگەھێ دا تایبەت پشتی نەە سەرکەفتنێن لدیڤ ئێک د خول و کاسا ئسپانیا دا تۆمارکرین و ھێزەکا مەزن دایە یانا ئسپانی، دەنگۆباسێ دلخووشکەر چارەسەربوونا ھەرچار یاریزانێن وێ خیسۆس ناڤاس، مارکۆس ئەکۆنیا،ئۆسکار رۆدرێگێز و لۆکاس ئۆکامبۆس ئەڤچەندە دێ بیتە پالدەر بۆ سەرکەفتنێ یاریێ بکەن، ژلایێ خوەڤە یانا دورتمۆند د دەمەکێ لاواز دا دەربازدکەت کو ل خولا ئەلمانیا ئەنجامێن خراب تۆمارکرینە و رێزبەندیا شەشێ دھێت کێمتری ١٦ خالان ژ خودانا سەرێ لیستێ، ھەروەسا دێ بۆ ڤێ یاریێ بیێ بەھر بیت ژ ھەرئێک فرانکۆ مودۆ و گوریس جانۆن، ئیدن تێرزتج راھێنەرێ دورتمۆند دیارکر یاریا ئێکێ ئێکلاکەر نابیت لەورا ئەم ھزرا بەرھەڤیا بۆ دو یاریان دکەین، مە ھەڤڕکێ خوە باش خواندیە خودان ھێزا ھێلا بەرەڤانیێ و ھێرشبەریێ یە، سەرباری ئەنجامێن مە د باش نینن ل خولا ئەلمانیا لێ بۆ چامپیونیز لیگ گەشبینم دێ ب شێوەکێ دی ھێنە دیتن، ژلایێ خوەڤە جولیان لوپبتیج راھێنەرێ سێڤییا گوت: ئارمانجێن مە یێن چەندین سالان بجە نەھاتینە، یاریا ئەڤرۆ تاقیکرنەکا بھێزی و دڤیت سەرکەفتنێ تۆماربکەین ئەگەر نە دێ ھەموو ھیڤیا ژ دەستدەین.
