یۆڤانتۆس چوونا رۆنالدویی ڕه‌دكر
ئه‌ڤرۆ،
چێگرێ سه‌رۆكێ یانا یۆڤانتۆس یا ئیتالی هه‌موو ئه‌و ده‌نگۆباسێن به‌لاڤبووی ڕه‌دكرن كو ستێرا تیما وان یا ته‌پا پێی یێ پورتۆگالی كریستیانۆ رۆنالدو دێ یانا وان ب جهـ هێلیت.
د دیداره‌كا رۆژنامه‌ڤانی دا باڤیل نیدڤێت بۆ لاگازیتا دیللو سپۆرت دیاركر كو بابه‌تێ كریستیانۆ رۆنالدۆیی هاتیه چاره‌سه‌ركرن گه‌هشتینه رێكه‌فتنێ بۆ وه‌رزێ بهێت ژی دێ به‌رده‌وامبیت ل گه‌ل یۆڤانتۆس و ئه‌و ده‌نگۆیێن راگه‌هاندنێ چو بنیات بوو نینه بتنێ پرۆپاكنده بوون ژبۆ سه‌رهلدانا ئاریشا، مه باوه‌ریه‌كا مه‌زن ب رۆنالدۆیی هه‌یه و گه‌شبینم دێ ئێك ژ لایه‌نێن سه‌ركه‌فتنا مه بیت بۆ خول و قاره‌مانیێن وه‌رزێ بهێت یێن ئیتالیا و ئۆرۆپا ژبه‌ركو شیانێن وی گه‌له‌كن.
لدویڤ راپۆرتێن رۆژنامه‌ڤانی یانا پاریس سانجێرمان یا فره‌نسی بزاڤێن مه‌زن كربوون ژبۆ رازیكرنا ستێرا پورتۆگالی هه‌تا گه‌هشتبوو وێ یه‌كێ یانا پاریسی هه‌ر كۆژمه‌كێ پاره‌یی بۆ رۆنالدویی به‌رهه‌ڤكربوو.
