یێن وه‌لات راگرتی رابگرن..
بابه‌ت دانعه‌مر و كه‌سێن خانه‌نشین و ناڤسال چووینه، هه‌كه سه‌حكه‌ینێ ڤان وه‌لاتێن پێشكه‌فتی، مووچێ ڤان كه‌سان پیر و كالان ژ وی كه‌سی پتره ئه‌وێ هه‌یڤێ 2500 دۆلاران وه‌ردگریت، ئه‌گه‌ر ژی ئه‌و بهایی بۆ دانعه‌مران ددان كو هه‌ر ئه‌وان بنیاتێ وه‌لاتی یێ ئاڤاكری دانعه‌مران ئه‌ڤ وه‌لاته یێ راگرتی، دانعه‌مران زه‌حمه‌تا ڤێرا بریه، بۆچی ل كوردستانێ دانعه‌مرێن مه، بها نینه نه ل ده‌ف حوكمه‌تێ، نه ل ده‌ف حزبان و ده‌زگه‌هان، بۆچی دانعه‌مرێن مه كوردان ل كوردستانێ مووچێ وان 80 ـ 100 هزار دینارن، یان مانه ئه‌ڤ دانعه‌مره هه‌ر ئه‌و بووینه مل ب ملێ ملێ سه‌ركێشێن كوران خه‌بات كرین، وه‌كو مه‌لا مسته‌فا بارزانی، قازی محه‌مه‌د. . هتد، مانه هه‌ر ئه‌ڤ دایكه بوو، نان بۆ وی پێشمه‌رگه‌ی چێدكر دا ئه‌ڤ وه‌لاته بهێته رزگاركرن؟ مانه هه‌ر ئه‌ڤ دانعه‌مرێ مه بۆ چ دایك چ باب چ باپیر چ داپیر شه‌ڤ و رۆژ نه دنڤستن، ژ به‌ر ڤی پێشمه‌رگه‌ی، بۆچی ئه‌م بهایێ ناده‌ینێ ڤان دانعه‌مران بۆ بۆچی مووچێ وان هندێ كێمه خوه نه‌شێت كرێیا خانیێ خوه پێ بده‌ت، بۆچی ئه‌م دشێین هه‌یڤێ 500 ترومبێلێن مۆنیكا بكڕین؟ بۆچی یان دشێن كۆمپانیێن بیانی بینینه كوردستانێ، بۆچی ئه‌م دشێن 20 ده‌فته‌رێن دۆلاری ل عه‌زیمان بدانین بۆ تورك و عه‌ره‌ب و فورس و ئه‌ورۆپی و ئه‌مریكیان و دایك و بابێن مه یانكو دانعه‌مرێن مه تزبیان یان مه‌نجه‌لۆكێن ماستی یان تێلا ئامانان دفرۆشن نیڤه‌كا سویكا هه‌ولێرێ، دهۆكێ سلێمانیێ، كه‌ركووكێ، بۆچی بوو ئه‌ز هیڤیدارم پشته‌ڤانی هه‌بیت بۆ دانعه‌مرێن مه و مووچه‌كێ باش بده‌نه ڤان دانعه‌مران، وان وه‌لاتێ پاراستی، ڤانا زه‌حمه‌ت یا ب مه‌ڤه‌بری، ئه‌ڤه ب شه‌ڤ و رۆژ ل هیڤیا پێشمه‌رگه‌ی بوون، خه‌و ل خوه حه‌رامكریه دا وان سه‌رراست بكه‌ت، ئه‌ز داخوازێ ژ سه‌رۆكاتی و ئه‌نجوومه‌نێ وه‌زیران په‌رله‌مانی و ئه‌ندامێن په‌رله‌مانی دكه‌م بزاڤان بكه‌ن كو مووچێ دانعه‌مرێن مه باش و باش بكه‌ن و گه‌له‌ك زێده‌كه‌ن چونكو هه‌موو هه‌ژارن، نه‌شێن كرێیا خوه بده‌ن و ئه‌ڤ وه‌لاته ب وان یا ب ره‌وشه و ناڤده‌نگه هه‌كه مه دانعه‌مر ژ بیركرن، خودێ ژی دێ مه ژبیر كه‌ت هیڤیدارم ژ هه‌ر لایه‌نه‌كی چاڤدێریا دانعه‌مران و مووچێ وان بكه‌ن ئانكو خانه‌نشینا وان.
