یێ بەرهەڤم جهێ خوە بۆ گەنجەكی بهێلم
هەرهین محەمەد:
جەلال ئەنوەر، بێژەرێ دەنگوباسێن سیاسی ل رادیۆیا دهۆك، د دیدارەكێ دا بۆ رۆژناما ئەڤرۆ گۆت: رێزگرتن بۆ هەركەسەكی نوكە هەموو مرۆڤ بووینە مادی و گەلەك مەدیاكار هاتینە وەرگرتن مووچەیێ وان ل سەر دەفتەرەكا دۆلاری نە و ئەڤێ چەندێ كارتێكرن ل سەر مەدیاكارێن مە كریە، لەورا دبێژم وژدان دكاری راگەهاندنێ دا یا گرنگە، بەلێ ب مخابنی ڤە دبێژم د ژیوارێ نوكە دا مادی ب سەر وژدانێ كەفتیە و ژئەگەرێ ئەڤێ دو بەرەكیا د ناڤبەرا را گەهاندن دا دهێتەكرن ژ بێ پلانیە و جهێن پەیوەندیدار ژێ بەرپرسن.
جەلالی گۆت: ئەڤە پتری بیست سالانە د كارێ راگەهاندنێ دا و بلا دەلیڤە بۆ گەنجەكی بهێتە رەخساندن و بهێتە دكاری دا و دبیت هندەك كەس هەبن ژ جهێ خوە بترسن و نەدەنە چو گەنجان، بەلێ ئەز یێ ئامادەمە هەر گەنجەكێ خودان شیان بیت و حەز و شیانێن بێژەریێ هەبن جهێ خوە ب دەمێ، بەلێ هەكە كەسەك ب زۆری بهێتە دناڤ كاری دا و حەزو ڤیانا راگەهاندنێ نە بیت و مە نوكە گەلەك دەرچووێن راگەهاندنێ هەنە، بەلێ حەزا راگەهاندنێ نەبووویە و ب مخابنی ڤە ئەڤە غەدرەكا مەزنە ل پیشەیا راگەهاندنێ دهێتەكرن.
