یێ گه‌شبینه ب ئاستێ سینه‌ما كوردی
دهۆك، زنار تۆڤی:
ده‌رهێنه‌رو ئه‌كته‌رێ ناڤدار (شوان عه‌تۆف) د دیداره‌كێ دا بۆ رۆژناما ئه‌ڤرۆ دیاركر كو هه‌بوونا فلمه فیسته‌ڤالا دهۆكێ گرنگیه‌كا مه‌زن هه‌یه، هه‌م بۆ سینه‌ما كوردی، هه‌م ژی بۆ باژێرێ دهۆكێ، چونكی ئه‌ڤ فیسته‌ڤاله دبیته پره‌كا كلتۆری ژ بۆ ناساندنا سینه‌ما كوردی بۆ خه‌لكێ جیهانێ، ئه‌م دشێین ب رێیا سینه‌مایێ په‌یاما خوه بگه‌هینینه جیهانێ، دیسان فلمه فیسته‌ڤال په‌نجه‌را دونیایێ یه بۆ مه خه‌لكێ دی ژی، ب هه‌بوونا ڤان فیسته‌ڤالان ئه‌م دزانین فلمێن كوردی گه‌هشتینه چ ئاست و دیسان دیبه‌تێن گه‌له‌ك ب مفا د هه‌موو وارێن سینه‌مایێ دا تێدا دهێنه ئه‌نجامدان، ئه‌ڤێ چه‌ندێ گرنگییا خوه یا تایبه‌ت هه‌یه.
ناڤهاتی گۆت: فلمه فیسته‌ڤالا دهۆكێ روویێ گه‌شێ وه‌لاتێ مه نیشا خه‌لكێ بیانی دده‌ت، هه‌روه‌سا نیشادانا فلمێ ئه‌زموون، كو فلمێ ڤه‌كرنا هه‌شته‌مین فلمه فیسته‌ڤالا دهۆك یا نێڤده‌وله‌تی بوو، هێزه‌كا دی یا تایبه‌ت دایه مه، كو ئه‌م پتر خزمه‌تا سینه‌ما كوردی بكه‌ین، دیسان ب چار فلمان من پشكداری د ڤێ فلمه فیسته‌ڤالێ دا كریه، هه‌روه‌سا ئه‌و كارێن من دسینه‌مایێ دا ئه‌نجام داین هه‌موو ب دلێ من بووینه، دیسان ب ئاستێ سینه‌ما كوردی یێ گه‌شبینم.
