یێ گه‌شبینه ب سینه‌ما كوردی
دهۆك، زنار تۆڤی:
ماهر حه‌سه‌ن، ئه‌كته‌ره‌كه بۆ رۆژناما ئه‌ڤرۆ دبێژیت: هه‌بوون و ئه‌نجامدانا فیسته‌ڤالان پشته‌ڤانیه‌كا مه‌زنه بۆ سینه‌ماكارێن كورد، له‌ورا پێدڤییه ئه‌م هه‌موو سینه‌ماكار پشته‌ڤانیێ ل فلمه فیسته‌ڤالا دهۆكێ بكه‌ین، چونكی ئه‌و فلمه فیسته‌ڤاله شیایه هه‌موو سینه‌ماكارێن كورد ژ هه‌موو پارچێن كوردستانێ ل دهۆكێ كۆمڤه بكه‌ت.
ئه‌ڤه ب خۆ پشته‌ڤانییه‌كا مه‌زنه بۆ سینه‌ماكاران ناڤهاتی گۆت: هه‌ر كاره‌كێ مرۆڤ دكه‌ت، دێ هنده‌ك ئاسته‌نگ كه‌ڤنه پێشییا مرۆڤی، لێ ئه‌م دشێین ب ره‌نگه‌كێ باش كارێن خۆ ئه‌نجام بده‌ین، د هه‌مان ده‌مدا دناڤ سینه‌مایێ دا، هنده‌ك كارێن باش هاتینه ئه‌نجامدان و هنده‌ك ژی د ئاستێ پێدڤی دا نینن، ئه‌م هه‌موو بزاڤان دكه‌ین سینه‌ما كوردی به‌ر ب قووناغێن باشڤه ببه‌ین، هه‌روه‌سا كه‌رتێ سینه‌مایێ دروست بكه‌ین، هه‌كه ئه‌م بزاڤان نه‌كه‌ین سینه‌ما به‌ر ب پێشڤه ناچیت، دیسان ئه‌ز گه‌له‌ك یێ ب سینه‌ما كوردی یێ گه‌شبینم و نوكه سینه‌ما كوردی د قووناغه‌كا باش دایه.
