یێ بهرزهبوویم كى دێ من بهتهمال؟
ههیامهكه تۆرێن جڤاكى یێ بهرپرسان دهێنه سهرخهت و ب ناڤ ناڤ یێ دهێنه گازیكرن كا مافێ ڤى و ئهڤه ب باشترین رێك و سهردهمانه ل ناڤ جڤاكێ مه یا دهێته دیتن و یا دبیته دیارده، پاشى یا دبیته رێكهك كو بهرپرسهك چارهكا دهمهكى بۆ وى كهسى بینت و ڤێجا ب بهژن و بالا وى بهرپرسى یا دهێته گۆتن، دێ بێژى ژ مالێ خوه پاره لێ مهزاخت، پرسهك ل ڤێره دهێته پێش ئهرێ ئهڤ بهرپرسه چ قازانج ژ ئهڤێ دیاردێ دبیت، ب بهژن و بالا وى دهێته گۆتن كو ئهڤ ئاریشه چارهسهركرن، یا ژى لاوازیهكا وى دهێته دیاركرن كو ئهڤ كهسه د ناڤ جڤاكى ههنه و ئهوى هاژێ نینه؟ دیسا ب چارهكرنا كهسهكى تو بینى دێ ههژار و كێم دهرمهت و دهست كورت بن بربن، یان ژى دێ دهرگهه پتر هێته ڤهكرن كو فهیسبۆك و تۆرێن جڤاكى ببنه جهێ گازیكرنێ و پتر ههژار و دهست كورت خوه تێدا بین، ب بۆچوونا من ئهڤه نه چارهیه بۆ كهسهكى خوه فهیسبۆكى دیار بكهت كو پێدڤى ب هاریكاریێ یه و هندهك خوه پێ دیاربكهن كو ل مافێ ڤى دگهرن و دیسا هندهك پهرپرس كو من رێز بۆ ههیه و مهرهما من نه شكاندنا چ كهسانه، بهلكو خالا من ڤێت ل سهر ب راوستم هێشتا مایه، دبینم چارهسهركرنا كێشهكێ نه چارهیه بلا هاریكاریێ بكه، لێ ئهڤرۆ ڤى وهلاتى ته چهند مرۆڤێن هۆسا ههنه و ته چهند ههنه دوورن ژ تورێن جڤاكى و ته چهند ههنه و چهند و چهند و چهند و گهلهكێن دى، دبینم پێدڤى یه ئهڤ كهسێن هۆسا زیرهك و چهلهنگ ب خولهكا ل دووڤ گازیا فهیسبۆكى دچن و شیان ههین بریارا بدهن و چارهسهریا بۆ كێش بین، للا بریارێن گشتى بدهن و لێ بگهرین و كار بكهن كو كهسانێن ب ڤى رهنگى كێم ب بن و ئێدى تۆرێن جڤاكى نه بنه جهێ گازیكرن و ههوارێ و بهرپرسایهتى بهێته چهسپاندن.
