یێ ب ژنە و ئاریشا بۆ من چێدکەت
ئه‌ڤرۆ نيوز:
کچەکا ٢٠ سالی کو تا قوناغا ١١ ئامادەیی خواندیە دلێ خوە بو روژناما ئەڤرو ڤەدکەت و دبێژیت: ئەڤە ٢ سالە ئەز و گەنجەک حەز ژ ھەڤدو دکەین ئەو قوتابیێ زانکویێ یە وی ل بەرە پشتی ژ زانکویێ خلاس دبیت من بخۆ بخوازیت، لێ بەری ھینگێ گەنجەکێ دی داخوازا ئەڤینیێ ژ من دکر، بەس ئەز رازی نەبوم، ھەرچەندە ئەز دگەل دئاخفتم بەس ب ھەڤالینی، لێ وی حەز ژ من دکر پاشی مالا وان فشار لێ کر کو خێزانێ پێکبینیت، ئەوی خێزان دگەل کەسەکا دیتر پێکئینا بەلێ ئەڤە ماوەیەکە ئەو حەز دکەت ئەز دگەل وی باخڤم و حەزژێ بکەم، لێ من ئەو نەڤێت، چونکو ژن یا ھەی و زارۆیەک یا ھەی، بەلێ ھەر ئەو بەلا خوە ژ من ڤە ناکەت و ھەردەم ناما بۆ من دھنێریت و پەیوەندیێ ب من دکەت و گۆت ھەکە ئەز بزانم کو تو حەز ژ کەسەکێ دکەی پشت راست بە، دێ بۆ تە ئاریشا چێکەم، ئەڤجا ھووین چ دبێژن و ئەز چ بکەم؟.
کچا ھێژا:
ل پێشیێ تە بڕیارا دروست وەرنەگرتیە و ل دەمێ پێدڤی تە بەرسڤا وی نەدایە، لەوما ئەوی بێدەنگیا تە یا ئستغلال کری و یێ بەردەوام بووی، ژ بەر کو ژیێ تە یێ بچووک بوو، بەلێ ئەڤێ ژبیر بکە و نوکە بڕیارا دروست وەربگرە و ناما خوە ب دروستی بگەھینێ و ھەکە تە چ شاشی دگەل نەکربن بەرو ڤاژی، مەترسی پتر ل سەر ژیانا خێزانی یا وی یە و ھەر کارەک دێ بیتە تێکدانا بەختەوەریا خێزانا وی، ئەڤجا باشترە بۆ وی ئەو ھەڤالینیا تە بپارێزیت و دڤێت ھەڤژینا وی و زارۆ ھەردەم ل پێش چاڤێن وی بیت و پەیوەندیا خوە دگەل ھەڤالێ خوە بپارێزیت وھشیاربە نەکەڤیە چ شاشیا و مفا ژ سەربوران وەربگرە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
