یێ پەککەفتیە و نەشێم شوو پێ بکەم
ئه‌ڤرۆ نيوز:
کچەکا 20 سالی دلێ خوە بۆ ئەڤرۆ ڤەدکەت و دبێژیت: ئەز ل قوناغا 12 دخوونم، د دەمەکێ دا ئەز ب ئەنترنێتێ ڤە ھاتمە گرێدان ب رێکا تانگوی من کەسەک نیاسی و وەکی ھەڤال دگەل بووم ئەو لبەر فرنا نانی کار دکەت، ب بورینا دەمی گەلەک پێکڤە ھاتینە گرێدان، پاشی وی داخوازا ئەڤینیێ ژ من کر و گۆت من گەلەک دل یێ لسەر تە ھەی و دێ تە بخۆ خوازم. گەلەک ما بمنڤە ئەز ژی رازی بۆم ، بەس خوزی رازی نەببامە، چونکی بۆ من دیار بۆ کو ئە ز و ئەو چو جارا ناگەھینە ئێک، ژبەرکو ھندەک کێماسی لنک ھەبۆن من دزانی سەد ژ سەدێ مالا مە رازی نابن و من نادەنێ، ئاریشە ئەو بوو یێ پەککەفتی بۆ، ھەروەسا کرێدار بۆ ژیانا وی یا ئابۆری نە یا باش بۆ و یێ بێ باوەرنامە بۆ، لەوا من داخوازا ژێکڤەبۆنێ ژێ کر گەلەک ھیڤی ژ من کرن کو وی نەھێلم و کرە گری، بەلێ نە بمن بۆ و دڤیابا من وەکربا، بەس ھەر حەز ژی َدکەم،، لێ ئەز ھوسا خوە دبینم کو من خیانەتا لێ کری وی سوزا دای کو ئەو ھەڤژینیێ پشتی من نەکەت و نھا ژی گەلەکا پەشیمانم من ئەڤینی کری ، چو جارا نەشێم وی ژبیر بکەم و ھەر روژ نامێن وی دخوونم و سەح دکەمە وێنێن وی و گەلەک دکەمە گری ، بێھنا من تەنگ دبیت و ژ ھەر تشتەکی د ژیانا خوە دا بێ ھیڤی بۆیمە و گەلەک جارا داخازا مرنێ دکەم ھندی دلی َمن دئێشیت و بخەم دکەڤم ئەز نزانم دی َچ کەم ئەڤجا ھوون چ دبێژن و ئەز چ بکەم ؟
کچا ھێژا :
لدەستپێکێ ژیێ تە ھاریکاریا تە دکەت تو ب عەقلانە و ب ھووری تەماشەی ژیانا خوە بکەی و نەخشا بو ئایندێ خوە بدانی دوور ژلایێ سوزی، ژبەر کو پرانیا بریارێن سوزی پەشیمانیێ ل دووڤ خوە دھێلێن و بزانە جڤاکێ مە رەحمێ بشاشیێن کەسا نابەت، ئەڤجا دڤێت و بتایبەت کچ توشی خەلەتیا نەبیت. بدیتنا مە کەسانێن خودان پێدڤیێن تایبەت چ ژ کەسانێن دی کێمتر نینن و نە ئەڤ چەندە ئاستەنگە د رێکا پێکئینانا خێزانێ دان ھەر وەسا لاوازیا بارێ ئابوری ژبەرکو گەلەک کەس ھەنە دلاواز بوون بەلێ نوکە دباشترین بیاڤ دانە و بەرەڤاژی ژی ھەنە لەوما بھاریکاریا ھەردو لایا ( زەلام و ژن ) دکارێن ھەردەم ژیانا خوە باشتر لێ بکەن، پرانیا کەسا دەمێ توشی شکەستنا ئەڤینیێ دبن ل دەستپێکێ ھزر دکەن کو دووماھیا دونیایێ یە، بەلێ واقع بەروڤاژی وێ دیار دکەت لەوما باشترە ھەردەم بچاڤێن ڤەکری تەماشای پاشەروژا خوە بکەی و بلا مرۆڤ وانا ژ ھەر سەربورەکێ وەرگریت و شارەزایێ لدەف مروڤی زیدەتر لێ بکەت، باشترە تو ب عەقلانە کارا بکەی و بلا ئەو لا یێ زال نەبیت لسەر تە و بریارێن تە و ھەول بدە ببە کچا ئەڤرۆ و پلانا لدووڤ ئەڤرۆ دانە و خوە شاش نەکە و رێزێ لمالباتا خوە بگرە و بریارێن شاش نەھاڤێژە و بزانە یا دروست ئەوە بچاڤێن پر ئومێد تەماشای ژیانێ بکەی و ھەر وەسا مفای ژ کارێن بوری وەربگرە ژبەرکو دوبارە نابن و بۆ ئەڤرۆ بژی و بەر ب سوباھی ھەرە .
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى