یەدەکێ نەفتا کوردستانێ پترە ژ یەدەکێ نەفتا 5 وەلاتێن جیهانی
ئەڤرۆ نیۆز،زنار تۆڤی:
یەدەکێ نەفتا هەرێما کوردستانێ ژ یەدەکێ نەفتا پێنج وەلاتێن بەرهەمهێنەرێن نەفتێ پترە.
زانیاری دیاردکەن کو نەفتا کوردستانێ کوالێتیەکا زۆر باش ل سەر ئاستێ جیهانێ هەیە،چونکی یا نێزیکی روویێ ئەردی یە و جهێ جۆگرافیا کێلگەیێن نەفتێ دباشن و دەرئینانا نەفتێ ژی یا ب ساناهیە،هەروەسا کوردستان ژلایێ بەرهەمئینانا نەفتێ ڤە،پلا 18 یا جیهانی هەیە.
زانایێن وارێ نەفتێ ئاماژێ ب هندێ دکەن،کو هەرێما کوردستانێ 45 ملیار بەرمیلێن نەفتا یەدەک هەنە،کو ئەڤە زێدەترە ل یەدەکێ قەتەرێ و ل گەل یەدەکێ هەر پێنج وەلاتێن گابۆن،ئندۆنیسیا، ئیکوادۆر،ئەنگۆلا و جەزائیرێ پێکڤە،کو ئەو پێنج وەلات پێکڤە خۆدانێن 35 ملیار بەرمیلێن نەفتا یەدەکن.
هەروەسا ژ ئەگەرێ سەربەخۆیا هەرێما کوردستانێ دێ ئابوورێ عێراقێ ژی بەرەف لاوازیێ ڤە چیت و دێ پشکا وێ ل رێکخراوا وەلاتێن هنارتنا نەفتا جیهانی دا “ئۆپک”ێ دا کێم بیت،چونکی زێدەتر ژ %31 یا نەفتا عێراقێ ل هەرێما کوردستانێ دایە.
