۱٤ تەنێن کەرەستەیان هاتنە ژناڤبرن
ئەڤرۆ نیوز، عەلی حاجی :
ل گورەی ئامارەکا رێڤەبەریا ساخلەمیا زاخۆ دماوەیێ سالەکێ دا ۱٤ تەنێن مادەیێن دەم ب سەرڤە چووی ل سنورێ رێڤەبەریا ناڤبری فە هاتینە ژناڤبرن .
ئەمیر عەلی بەرپرسێ راگەهاندنا رێڤەبەریا ساخلەمیا زاخۆ بۆ ئەڤرۆ نیوز ئاشکەرا کر دبەردەوامیا لێگەریا تیما هەفپشک فە ل باژێرێ زاخۆ هەر ژ رێکەڤتی ۱/۷/۲۰۱۸ هەتا ۱/۷/۲۰۱۹ شیاینە ۱٤ تەنان ژ کەرەستەێن روون و هشکێن خوارنێ و پاقژکرنێ و چەندین بەرهەمێن دیتر دەستە سەر بکەن و پشتی تاقیکرنا وان کەرەستەیان دار بویە کو ئێکسپایەرن یان ژی ب کێر ب کارئینانێ ناهێن لەورا ل دووڤ را ژلایێ تیمێن مەڤە هاتینە ژناڤبرن و گوت : ئەڤ کەرەستە ل سنورێ دەڤەرا دەست ب سەر دا هاتینە گرتن و پرانیا وان ژی دەم ب سەر ڤەچووی بون و لژنا ناڤبری دێ بەردەوام بیت ل سەر لێگەریانێ و ژناڤبر کەرەستەێن ب ڤی رەنگی.