۱٦ ملیون دینار زیان گەهشتینە هاولاتیان ل دێرەلۆکێ
ئەڤرۆ نیوز، مەحمود نهێلی:
بەرپرسێ بنگەهێ بەرەڤانیا باژێری ل دێرەلۆکێ دیار کر، کو دڤان سێ هەیڤێن بوریدا دورێن ۱۰ روودانێن ئاگربەربوونێ ل سنورێ ناحیا دێرەلۆک دروست بووینە کو هندەک ژوانا ژ ئەنجامێ بوردومانا فرۆکێن تورکیا بووینە و دورێن ۱٥ ملیون دیناران زیان گەهشتینە هاولاتیان.
نەقیب ئیحسان سەنعان بەرپرسێ بنگەهێ بەرەڤانیا ل دێرەلۆک دیار ژی کر کو پتریا ڤان روودانان ب د زووترین دەم دا هاتینە کونترولکرن و نەهێلایە زیانێن زۆر ل پەی دروست ببن.
و گۆت : ژڤان روودانێن ئاگر بەربوونێ ۳ پیش و پەلەخ بووینە و ئێک ترۆمبێل و ئێک کومپانی و ئێک دوکان و ئێک روودانا ئاگری ژی یێ کارەبێ بو.
و خویاکر، داوی روودانا ئاگر بەربوونێ ل کومپانیەکا ئیرانی بو کو ل پرۆژێ هایدروپاوەرێ دێرەلۆک کار دکەت و د ئەنجامێ دا کابینەیا کومپانیا ناڤهاتی وچەند کەل وپەل تێدا هاتبوونە سوتن و دورێن ۳ ملیون دیناران زیان گەهشتبوونێ.
