جڤاتا نوونه‌رێن ئیراقێ ئه‌ڤرۆ ده‌نگی ل سه‌ر 4 پرۆژه‌یاسایان ده‌ت
ئه‌رۆ نیوز:
جڤاتا نوونه‌رێن ئیراقێ ئه‌ڤرۆ دێ كۆمبیت و ده‌نگی ل سه‌ر چار پرۆژه قانوونان ده‌ت و خواندنێ بۆ چار پرۆژه‌قانوونێن دی كه‌ت.
بڕیاره ئه‌ڤرۆ جڤاتا نوونه‌رێن ئیراقێ سه‌عه‌ت دوازده‌یێ نیڤرۆ كۆمبیت و ل گۆره‌ى كارنامه‌یا روونشتنێ، دێ ده‌نگی ل سه‌ر چار پرۆژه قانوونا ده‌ت كو ئێك ژ وان ده‌نگدان ژ روویێ پره‌نسیپی ڤه ل سه‌ر پرۆژهقانوونا په‌نابه‌ران، ده‌نگدان ل سه‌ر پرۆژهقانوونا په‌یوه‌ندیكرنا ئیراقێ ب رێككه‌فتنا سنۆری، هه‌روه‌سا ده‌نگدان ل سه‌ر په‌یوه‌ندیكرنا ئیراقێ ب پرۆتۆكۆلێ سالا 2005 یێ نه‌هێلانا كارێن نه‌یاسایی ل دژی سلامه‌تییا ده‌ریایی.
هه‌روه‌سا برگا چارێ ده‌نگدانه ل سه‌ر پرۆژهقانوونا په‌یوه‌ندیكرنا ئیراقێ ب رێككه‌فتنا نێڤده‌وله‌تی یا سالا1992 ل دۆر به‌رپرسایه‌تییا مه‌ده‌نی ژ پیسبوونێ.
په‌رله‌مانێ ئیراقێ ئه‌ڤرۆ دێ خواندنێ بۆ چار پرۆژهقانوونا كه‌ت ژ وان،خواندنا ئێكێ بۆ پرۆژهقانوونا دابینكرنا خه‌رجییا هه‌لبژارتنێن ئیراقێ و پرۆژهقانوونا په‌سه‌ندكرنا رێككه‌فتنا خزمه‌تگوزاریێن ڤه‌گوهاستنا ئاسمانی دناڤبه‌را ئیراق و ئیماراتێ دا و خواندنا ئێكێ بۆ دو پرۆژه‌قانوونێن دی یێن ئاڤدێری و ده‌ریایی كه‌ت.
