كلیپا (كوردستان ئەی نیشتیمانم) بەلاڤكر
زنار تۆڤی:
سترانبێژ و مۆزیكژەنا بەرنیاسا باكورێ كوردستانێ (یەكبوون) ێ، سترانەكا نوو ب ناڤێ (كوردستان ئەی نیشتیمانم) بەلاڤكر، هەلبەستا وێ سترانێ یا (هەژار موكریانی) یە، موزیكا وێ ژی ژ لایێ ئاوازدانەر (ئیقبال حاجیبی) ڤە هاتیە دانان، ب شێوازەكێ نوو و ب روحا ئۆركێسترایەكا فلارمۆنی
ناڤهاتی دبێژیت: من ئەڤ سترانا كەڤن نووكریە و هاتیە تێكەلكرن ب هەستا مۆدێرن و نیشتمانپەروەری من ئەڤ سترانە گۆتیە و من كلیپ كریە، كو ئەڤ سترانە پشكەكە ژ مۆركا ناسنامەیا كوردان و كلتوورێ كوردستانێ،
یەكبوون دەرچوویا پشكا مۆزیكێ یە ل زانكۆیا مەرمەر ل وەلاتێ توركیا و ژ سالا 1991 ێ هەتا نوكە ب رەنگەكێ بەردەوام كارێ مۆزیكژەنیێ و سترانگۆتنێ دكەت.
