ل بن كەڤر و تڕاشان مە پەرتووكێن شۆڕەشێن جیهانـێ دخواندن
دیدار : رەمەزان دەشتمری/ زاخۆ
2 – 2
كادرێ شوڕەشا گولانێ لیوا عەلی موستەفا یێ ناسیار ب ( ئەبو زێرو ) دبێژت : ل ئەوان سێ سالێن مە ل ناڤ كەمپا ئامەدێ دگەل ئاوارەیان بوراندی ل ئەوی دەمی پەیوەندیێن مە دگەل سەركردایەتیا پارتی دیموكراتی كوردستان هەبین و كادرێن پارتی ل ناڤ كەمپێ دا ژی هەبین و مە ڤێكرا ب شێوەیەكی ڕێك و پێك كارێ پارتایەتییێ ئەنجامددا و ئەو ڕێنما و ڕاستپاردێن ل دەف سەركردایەتییا پارتی بۆ مە دهاتن ل ناڤ كەمپێ دا دهاتنە خاندن و پەیروكرن وجێبەجێكرن و بەلێ ل سالا 1991ێ سەرهلدانا پیروز ل كوردستانا باشور دەستپێكری ئەم جارە كدی دووبارە بۆ كوردستانێ و جهێن خۆ یێن باب و باپیران ڤەگەڕیان و پشتی ئەم گەهشتین جهێن خوە هەر ئێكسەر وەك ئەندامێ میحوەرێ ناحیا دەركارێ هاتم دەستنیشانكرن و لدویڤرا بۆ میحوەرێ ناحیا ڕزگاری هاتم ڤەگوهاستن. و ل سالا 1994ێ وەك بەرپرسێ نڤیسینگەها سكرتێرێ مەكتەبا سیاسی یا پارتی دیموكراتی كوردستان هاتم دەستنیشانكرن هەتا سالا 1996ێ و ل دویف بریارا سەركردایەتییا پارتی دیموكراتی كوردستان وەك جێگرێ رێڤەبەرییا ئاسایشا هەولێرێ دەست ب كاربیم و د ئەركی دا بەردەوامبیم هەتا سالا 2002ێ جارەك دی بۆ لقی هەشت یا پارتی دیموكراتی كوردستان هاتم ڤەگوهاستن و هەروەسا پلەیا كارگێرێ لقی هەشتی من وەرگرت ولدویڤرا هاتم دەستنیشانكرن وەك بەرپرسێ نڤیسنگەها ڕیكخستنا لقی 8ی تێكوشەر و دەست ب كاربیم و ل سالا 2010ی وەك لیوا ل میحوەرێ ڕۆژهەلاتێ دیجلە دەست ب كاربیم. كادرێ شورەشا گولانێ لیوا ( عەلی موستەفا یێ ناسیار ( ئەبو زێرو ) دبێژت: ل دەستپیكا سالێن هەشتییان و ل دەمێ ڤەكرنا بارەگایێ لیژنا ناوچا زاخۆ دا ، ل ئەوی سەردەمی خەلكەكێ گەلەك بەرێخوەدان دناف ڕێزێن شوڕەشێ دا و گەلەك جاران بارەگایێ لیژنا ناوچا زاخۆ و جهێن ڤەحەویانا پێشمەرگەییی تازە و نویهاتییان ( ملتحق ) نەدكرن . بەلێ جهێ خوشحالییبێ كۆ ل ئەوی دەمی چەند خێزانێن كوردپەروەر هەبین مالێن خوە وەكی بارەگایی بۆ نویهاتیان لێ كربین و ئەو خەلكە ب كەیفخوشیڤە ڤەدحەواندن و خوارن و ڤەخوارن پێشكێشی وان دكرن و ژ بەر , كو بارەگایێ لیژنا ناوچا زاخۆ جهێ ئەوی خەلكی هەمییێ دگەل پێشمەرگەیێن لیژنێ نەدكرن. هەر ئێكسەر بەرنامەیەك ژ لایێ شورەشا 26ێ گولانێ ڤە بۆ نویهاتیان خواندن و دگوتن ئەڤ خالە دهاتن شروڤەكرن وەك خیانەتێ چ جاران ل مللەتی خو نەكن و هەمی دەما ڕێزێ ل ئێك و دوو بگرن . و فەرماندە لیوا ئەبو زێرو دبێژت: دەمێ ڕیكخراوا شەهید محەمەد سالح یا پێشمەرگەیی هاتی پێكئینان و فەرماندە ( محەمەد خالد بوسەلی) ژی وەك بەرپرسێ ڕێكخراوێ هاتە دەسنیشانكرن و فەرماندە (محەمەد میرزا میرزا ) ژی وەك جێگرێ ڕیكخراوێ هاتن دەیناندن ، و ئەز ژی وەك كادرێ ڕیكخراوێ هاتم ڕاسپاردن . بەلێ ل هاڤینا سالا 1982ێ ڕێكخراوا مە یا ب ناڤێ شەهید ( محەمەد سالح ) بۆ جەولێ هاتین دەڤەرێ و بڕیار هات دان بۆ دەینانا بوسەیەكێ ل ئاستەنگا سێهلێ ئەوا دكەڤت بنێ گوندێ ئاڤگەنییێ و گوندێ داسیكێ دا و فەرماندە ( محەمەد میرزا میرزا )، سەرپەرشتییا ئەڤێ چالاكیێ بكت بەلێ ب سەركەفتیانە ئەڤ چالاكییە ب زەند و باسكێن پێشمەرگەیێن قەهرەمان هات كرن و ئەنجامدان و رەنگڤەدانا ئەڤێ چالاكیێ هەر زوی ل دەڤەرێ و ناڤ باژێران دا بەلاڤەبی . هەر وەسا ئەم ب ڕۆژێ دا ل هەشارێ دماین و ل سەر ڕاستپاردێن شوڕەشێ ل پێشمەرگەیی دكرن و هەمی دەمان دا دگۆتن مە : ئەم وەك كادرێن شوڕەشێ ئەڤێن دگەل ڕیكخراوێن پێشمەرگەیی مە ئەڤ گوتنە وەك ڕێنما و ڕاستپاردە بۆ پێشمەرگەیی ل هەشارێ دگوتن : ل تەنگاڤییان دا خوەڕاگربن وچ جاران بێ ئومێد نەبن و دڤێت مە باوەری یەكا موكوم ب سەركەفتنێ هەبت و ب ئانەهییا خوادیێ مەزن سەركەڤتن هەر دێ بۆ مە بت و. هەروەسا چ جاران بلەز بڕیارا تاكە كەسی نەدن و دەمێ بڕیارەك بو مە بهێت دان ل ئەوی دەمی بوچونێن هەڤالان وەربگرن و ژبەر كو دناڤ دان و ستاندنێ دا و خالێن هەرە باش و سەركەفتنی دێ ئێن پێشنیاركرن و پاشی دێ بنە بڕیار و دێ بجهئینن. هەر دیسان ئەو كەسێ خواندەڤان بلا پەرتوكێن ل سەر شوڕەشێن جیهانێ و بزاڤا ڕەوشەنبیری و پێگەهاندنێ هەیی دگەل وە هەبن و بباشی پێداچوونێ لسەر بكن و باش بخوینن وهەروەسا دان و ستاندنێ و گەنگەشێ د هەمی بواراندا بكن ، و گەلەك خوە ل ئاریشەیێن جڤاكی ژی بكن خودان و ب هەر ڕێكەكا هەبت ئەوان ئاریشەیان و ل دویف شیانێن خوە ب كاربینن و ب تنێ ئەو ئاریشە نە بت یێن نەهێن چارەسەركرن و ئێك ژ هیڤی و ئومێدێن سەركردایەتییا شوڕەشێ ئەوبی ئازادی و تەناهی و ئارامی وئاشتی و پێكڤە ژیان ل ناڤ مللەتێ مە دا پەیدا بت. هەروەسا ئەو پێشمەرگەیێن ل هەشارێ دا ژی جارا بێزاردبین مە دگوتن وان هەڤالان، دا پێكڤە دەستێن خو بكین تێكدا و ب باشی ئێك و دوو بگرین و سترانا ب ئازادییا كوردستانێ بێژین و لبەر را بكین كەیف و سەما و كەیفا هەڤالێن خو ژی بینین و دا پێشمەرگەیێن جانفیدا هەمی دەمان یێن ب كەیفخوەش شادو بەختەوەربن و پێشمەرگە ل خزمەت و خەبات و نیشتمان پەروەریێ دا هەمی دەما شانازییێ ب خزمەت و خەباتا خو بۆ گەلێ كوردستانێ بكت.
