گەلەریا دھۆک دێ خولا ١٤ێ گێریت
ئەڤرۆ نیوز، نەوزاد ھلۆری:
رێڤەبەریا گشتی یا رەوشەنبیری و ھونەری ل دھۆکێ، رێڤەبەریا ھونەرێ شێوەکاری و گەلەریا دھۆک دێ رابیت ب ئەنجام دانا خولا ١٤ێ ل سەر ئاستێ کوردستانێ.
ئاواز نھێلی، بەرپرسا راگەھاندنا رێڤەبەریا گشتی یا رەوشەنبیری و ھونەری ل دھۆکێ بۆ ئەڤرۆ نیوز گۆت: (رێڤەبەریا گشتی یا رەوشەنبیری و ھونەری یا دھۆک، رێڤەبەریا ھونەرێ شێوەکاری و گەلەریا دھۆک دێ رابیت ب ئەنجام دانا خولا ١٤ێ لسەر ئاستێ کوردستانێ ل ھولا گەلەریا دھۆک).
زێدەتر گۆت: (ئەڤ خولا ١٤ێ دێ لروژا چوارشەمبی رێکەفتی ٩/١/٢٠١٩ ل ھولا گەلەریا دھۆک ل دەمژمێر ١١:٠٠ێ سپێدێ ب رێڤەچیت، پشتەڤانیا جەماوەر و خەکێ دھۆک و مێھڤانان بو گەلەریا دھۆک جھێ دلخوشیا مەیە، ھەر کەس دشێت تابلویێن گەلەریێ بخوە بکریت).
ئاوازێ دیارکر ژی کو د گەرا ١٤ێ دا دێ ١١٩ شێوەکار کارێن خوە نیشاندەن، و زێدەباری ڤێ یەکێ د روژا ئێکێ دا دێ دوو سمینار ژی ھەبن و زێدەتر گۆت: “گەرا ١٤ێ یا گەلەریا دھۆک بو دەما شەش ھەیڤان دێ ڤەکێشیت و دڤان شەش ھەیڤان دا شێوەکار دکارن تابلو و کارێن خوە نیشان بدەن و بفروشنە بکران ژی”.
