10سالن د مالا خوە دا كار دكەت
سندس سالح سلێڤانەیی:
دەیكا عیسامی، خانمەكا خەلكا دهۆكێ یە، بۆ دەمێ پتر ژ دەه سالانە خوارنێن كوردی ل مالا خوە چێدكەت و ب رێكا ئۆنلاین دفرۆشیت و هەتا نوكە پشكداری د هژمارەكا فەستیڤال و چالاكیێن جودا دا كریە، لێ حەزا وێ ئەوە ل سالێن بهێن جهەكێ بەرفرەه بۆ چێكرنا خوارنان هەبیت و ب كارێ خوە یا دلخۆشە.
وێ خانمێ گۆت: پتریا خوارن و شریناهیێن ئەز چێدكەم ل دووف داخوازیانە و ئەز هەموو جۆرێن خوارنان دزانم چێكەم و سوپاس بۆ خودێ داهاتەك ژی بۆ من ژێ دهێت و ئەز دشێم هاریكاریا مالا خوە بكەم و داخوازا من ژ هەموو كچ و ژنان، ب تایبەت ئەوێن بێكار ئەوە هەتا د مالا خوە ژی دا بیت بێ كار نەمینن و دەست بكارەكی بۆ خوە بكەن، بۆ نموونە چێكرنا خوارن و شریناهیان، یان هەر كارەكێ دەستڕەنگینی بیت و د پشت راستبن دێ ب سەركەڤن و رۆژەك دێ هێت دێ داهاتەكی بۆ خوە و مالا خوە ژێ وەرگریت.
