10 حالەتێن تایا خوینبەربوونێ ل دهۆكێ هاتینە تۆماركرن
بەرپرسێ ئێشین ڤەگر ل رێڤەبەریا خوەپاراستنا ساخلەمیا دهۆكێ دیار كر، هەتا نوكە ل دهۆكێ 10 حالەتێن گۆمانلێكری یێن تایا خوینبەربوونێ هاتینە تۆماركرن، ژ وانا: دو كەسان گیانێ خوە ژ دەست دایە.
د. سەگڤان حەسەن، بەرپرسێ ئێشین ڤەگر بۆ ئەڤرۆ گۆت: «هەتا نوكە 10 حالەتێن تایا خوینبەربوونێ هاتینە تۆماركرن، ژ وانا: حەفت حالەت هاتینە پشتراستكرن، دیسا دو ژ تووشبوویان گیانێ خوە ژ دەست دایە و هەردو ژی خەلكێ پارێزگەها دهۆكێ نەبوون، ئێك ژ وان خەلكێ مووسلێ بوویە و ئێك ژی خەلكێ هەولێرێ بوویە».
گۆتژی: «حالەت د زێدەبوونێ دانە بەرامبەر سالێن بۆری و ئاگەهداریا خەلكێ خوە دكەین، خوە بپارێزن ژ وان كەسێن سەرەدەریێ ل گەل گیانەوەران دكەن».
