10 خوارن رێخۆشکەرن بۆ پەنجەشێرا قۆلۆنێ

ڤەکۆلینەکا ئەمریکی ناڤێ ئەوان خوارنان ئاشكرادکەت کو رێخۆشکەرێن سەرەکینە بۆ تووشبوونێ ب پەنجەشێرا قۆڵۆنێ؛ بەرگر، پیتزا و کنتاکی پشکەکن ژوان.
ڤەکۆلینەک ژلایێ ڤەکۆلەرێن نەخۆشخانا ماساچوسێتس ل ئەمریکا ل سەر 29 هەزار گەنجان بۆ دەمێ 24 سالان کریە و دەرکەفتیە، ئەوێن پترین رێژا خوارنێن ئامادەکری (جەمەدگرتی) خواری 45٪ ئەگەرێ تووشبوونا وان ب پەنجەشێرا ڤۆڵۆنێ پتربوو، بۆ خوارنا خوارنێن ب لەز و سەرپێ ژی 40٪ بوویە.
ل دویڤ دەزگەهێ دلی ل بریتانیا، ب کارئێنانا خوارنێن بلەز و ئامادەکری وەکو ئایس کرێم، بسکێت و خوارنێن غازی کو رێژەیەکا بلند یا چەوریێن تێر و خوێ و شەکرێ تێدانە ل سەرانسەری جیهانێ د زێدەبوونێ دانە و ئەڤەژی مەترسیا تووشبوونێ ب جەڵتەیا مێشکی، نەخۆشیێن دلی، شەکرا جۆرێ دوێ و پەنجەشێرێ زێدەدکەن.
ئەو خوارنێن ب مەترسی ل سەر پەنجەشێرا قۆڵۆنێ دیارکرین ل ناڤ ڤەکۆلینا ئەمریکی ئەڤەنە؛
– بەرگر
– پیتزا
– کنتاکی
– فینگەر (پتاتێن قەلاندی)
– سۆسج
– گۆشت و قیمێ (رۆست)
– هۆتدۆگ
– ڤەخوارنێن غازی
– چپس
– کێک

کۆمێنتا تە