10 دادڤان د خولا ئسپانیا دا هاتنە سزادان
لژنەیا هونەری یا دادڤانان ل فدراسیۆنا فوتبۆلا ئسپانیا ڕاگەهاند ئەوان 10 دادڤانێن هەردو خولێن پلا ئێك و دو سزادان و د كارێ وان بۆ ماوەیەكی ڕاوەستاندن دەرئەنجامێ ئەوان خەلەتیێن بەردەوام د خولێ دا كرین.
رۆژنامەیا ئاس یا ئسپانی دیار كر، لویس میدینا كانتالیخۆ سەرۆكێ لژنەیا هونەری یا دادڤانان تۆڕەییا خوە بەرانبەر دادڤانێن هەردو خولێن پلا ئێك و دو نیشان دا پشتی دوبارەبوونا خەلەتیێن وان د خولێ دا سەرباری هەبوونا سیستەمێ ڤارێ و ئەڤچەندە ژی جهێ ڕازیبوونێ نینە.
هەروەسان دیار كر ئەو دادڤانێن هاتینە سزادان و ڕاوەستاندن ژ وانا مۆنیێز رۆێز دادڤانێ ئێكێ و ئیگلێسیاس فیلانۆیڤا دادڤانێ ڤارێ ئەوێن یاریا ئسپانیۆل و ریال مەدرید بڕێڤەبرین كو بوویە ئەگەر ب دروستی یاسایێ بجهنەئینن تایبەت پشتی لێدانا توند یا یاریزانێ ئسپانیۆلكارلۆس رۆمێرۆ ئەوێ دژی یاریزانێ ریالێ كێلیان مباپی كری، ئەڤ بڕیارە بێ ژڤانە و دێ سزا یا بەردەوام بیت.
بۆ زانین تیما یانەیا ریال مەدرید ب كۆمكرنا 49 سەرێ لیستا خولا ئسپانیا پاراستیە، ب كێمترییا ئێك خال ئەتلەتیكۆ مەدرید رێزا دویێ دهێت، یانەیا بەرشەلۆنا ب45 خالان رێزا سێیێ، ئەتلەتیكۆ بلباۆ ب41 خالان رێزا چارێ و ڤیاریال ب37 خالان رێزا پێنجێ دهێت، هێرشبەرێ بەرشەلۆنا رۆبێرت لیڤاندۆڤێسكی ب 18 گۆلان سەرێ لیستا گۆلكەران دهێت، كێلیان مباپی هێرشبەرێ ریالێ ب15 گۆلان رێزا دویێ دهێت، ستێرێ لیڤەرپۆل محەمەد سلاح ب21 گۆلان سەرێ لیستێ دهێت، ئیرلینگ هالاند هێرشبەرێ مانچستەر ستی ب19 گۆلان رێزا دویێ دهێت.
