10 شیرەت بۆ بەژن زراڤیەكا بەردەوام
-1 هەر حەفتیێ دو جارا خوە بكێشە، داكو بزانی كێشا تە چەندە.
-2 هەرۆ سپێدێ تێشتێ بخوو، هزرنەكە نەخوارنا تێشتێ دێ تە زەعیف كەت، بەروڤاژی خوارنا وێ دێ هاریكاریا تە كەت بو سوتنا كالوریان و پاراستنا سەنگێ تە ب مەرجەكی یا ساخلەم بیت.
-3 هندی بشێی ئاڤێ ڤەخوخ رۆژانە ب كێماتی هەشت گلاسان داكو تەریاتیا پیستێ تە بهێتە پاراستن و هەست ب برسیێ و تێهنیبوونێ نەكەی.
-4 بەرهەمێن شیری یێن كێم روین بخوو، دیسا گوشتێ بێ روین و ماسی و مریشكان بخوو، خوارنێن قەلاندی نەخوو هندی تو حەز ژی بكەی ژی خوە ژێ دوور بكە.
-5 دەمێ خوارنێ ژدەرڤەی مالێ دخووی، هشیاربە ژ جور و چەنداتیا وێ، خوارنێن ب كێك و كریم و بژارتی نەخوو، صاصێ دگەل گوشتێ ب كارنەئینە، چونكو گەلەك كالوری دناڤدا هەنە.
-6 ڤەخوارنێن پری كالوری ب كارنەئینە، وەكو پێپسی و كوكا كولا و قەهوێ و خوشاڤێن شرین، چونكو ئەو سەنگی زێدەدكەن و تو هەست پێ ناكەی.
-7 هەكە تو بشێی چار هەتا پێنج جارا خوارنێ بخوو بەلێ بلا یا كێم بیت، چونكو دانێن بچووك یێن خوارنێ هاریكارن بو چالاككرنا كریارا هێزا لەشی ب رێكا سوتنا هێزێ.
-8 نهێنیا بەژن زراڤیا لەشی یا دخوارنێن پری فایبەر( الیاف) دا، كو دناڤ فێقی و زەرزەواتی و شوفانی و ساڤاری دا هەنە.
-9 ریجێمەكا دژوار نەكە، چونكو ریجێما دژوار ب سەرنەكەفتنێ ب دووماهی دهێت، هەموو خوارنان ب رێژێن دەستنیشانكری بخوو و زێدەی هێزا خوە ب كارنەئینە.
-10 هەكە تو گەلەك خوارنێ دخووی، خوە ب دەست ب رێجێمێ بەرنەدە و هەول بدە دوبارە دەستپێبكەڤە و گەلەك وەرزشێ ئەنجام بدە.
