10 نمرێن پیڤایی به‌ری مۆندیالا قه‌ته‌ر 2022 هاتینه تۆماركرن
ئه‌ڤرۆ
چاڤه‌ڕێ دهێته كرن ل 21ێ چڕیا دویێ یا بهێت مۆندیالا جیهانی قه‌ته‌ر 2022ێ بهێته ئه‌نجامدان كو دهێته هژمارتن مه‌زنترین قاره‌مانی ل سه‌ر ئاستێ جیهانێ كو 32 هه‌لبژارتیێن وه‌لاتێن جیهانی پشكداربن، به‌ری ده‌ستپێكرنا ڤێ روودانا مه‌زن 10 نمرێن پیڤایی یێن هه‌ین و بڤی ره‌نگی.
1- هه‌لبژارتیێ به‌رازیل پشكداری هه‌موو مۆندیالان كریه ئه‌وا هه‌ر ژ 1930ێ ده‌ستپێكری و شیایه نمرا پیڤایی یا ناسناڤا ده‌ستڤه بینت ئه‌وژی پێنچ جاران ل سالێن، 1958- 1962- 1970 و 2002 بوو.
2- هه‌لبژارتیێن ئیتالیا و به‌رازیل ئێكانه هه‌لبژارتینه دو جاران ل دووڤ ئێك مۆندیال ده‌ستڤه ئیناین.
3- هه‌لبژارتیێ ئه‌لمانیا شیایه زێده‌تر ژ هه‌ر هه‌لبژارتیه‌كێ دی ب گه‌هیته یاریا دووماهیێ كو هه‌شت جاران ئه‌و ژی ل سالێن، 1954، 1966، 1974، 1982، 1986، 1990، 2002، 2014 بوویه.
4- هه‌لبژارتیێ به‌رازیل دهێته هژمارتن ئێكه‌م هه‌لبژارتی رێژا سه‌ركه‌فتنان د مۆندیالان دا زێده‌تر بیت ب 64 جاران.
5- هه‌لبژارتیێ مه‌كسیك نمره‌كا خراب تۆماركریه وه‌كو خودان زێده‌ترین خوساره‌تی ئیناینه دگه‌هیته 25 یاریان ژ 15 پشكداریان بوویه.
6- هه‌لبژارتیێ ئیتالیا خودانا نمرا پیڤایی یا ئه‌نجامێن وه‌كهه‌ڤییه كو 21 جاران وه‌كهه‌ڤبوویه ژ 18 پشكداریان.
7- یێ ئیتالی دینۆ زۆڤ وه‌كو مه‌زنترین یاریزان د مۆندیالێ دا هاتیه دیتن ژیێ وی 40 سالا كو ناسناڤێ مۆندیالا 1982ێ ده‌ستڤه ئینایه.
8- گۆلپارێزێ مسری عیسام ئه‌لحزری دهێته هژمارتن وه‌كو مه‌زنترین یاریزان پشكداری د مۆندیالێ دا كری و دژیێ 45 سالی و 161 رۆژ دا و دووماهی یاریا وی ل گه‌ل سعودیێ بۆ ل مۆندیالا 2018ێ بوو.
9- گۆلكه‌رێ ئێكێ یێ قاره‌ماینێ هێرشبرێ ئه‌لمانی میرۆسلاف كلۆزه یه ئه‌وێ د هه‌ردو مۆندیالێن 2002 و 2014ێ 16 گۆل تۆماركرین.
10- ئه‌فسانه‌یێ به‌رازیلی بیلێ یاریزانێ ئێكێ یه شیایه رێژا زێده‌تر ناسناڤێن مۆندیالا ببه‌ت كو سێ جاران بوو.
