10 پڕۆژەیێن ئاڤێ ل بەردەڕەش دێ هێنە چێكرن
دهۆك، لەزگین جوقی:
رێڤەبەرێ ئاڤا دەوروبەرێن پارێزگەها دهۆكی دیار كر، ب گوژمێ ملیارەك و 478 ملیۆن دیناران دەست ب دروستكرنا 10 پڕۆژەیێن ئاڤی ل دەڤەرداریا بەردەڕەش هاتیە كرن.
خەلات فەتاح، رێڤەبەرێ ئاڤا دەوروبەرێن پارێزگەها دهۆكی بۆ ئەڤرۆ: «بیرێن ئاڤێ ل گوندێن سەر ب دەڤەرداریا بەردەڕەش ڤە هاتینە كۆلان و نوكە ل گەلەك گوندان بیرێن ئاڤێ دهێنە كۆلان بۆ دابینكرنا ئاڤا ڤەخوارنێ بۆ وەلاتیان ل گەل راكێشانا هێلا كارەبا بەردەوام بۆ بیرێن ئاڤێ و سەخبێریكرن و دانانا تۆڕێن ئاڤێ«.
گۆتژی: «11 گوند ژ وان بیرێن ئاڤێ مفاداربووینە، ئەو گوند و دەڤەرێن ژێدەرێن وان یێن ئاڤێ هشك بووین، نوكە بیرێن ئاڤێ بۆ وان دهێنە كۆلان».
