10 کەس ل دھوکێ دێ رێنیشاندەريا حەجيان کەن
ئەڤرۆ نیوز ،سالار دۆسکی :
رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆک دیارکر کو تیروپشک ل سەر ناڤێن مامۆستایێن ئاینی ل پارێزگەھا دھۆک ھاتەکێشان و بۆ ئەڤ سالە ٢٠١٧ وژڤانە وەک رێنیشاندەرێن ئاینی ل گەل حەجیێن ئەڤ سالە قەستا بەرێ بەیتێ بکەن.
سەمیان عەبدالخالق سەعدی رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆک بۆ ا ئەڤرۆ نیوز گۆت: (ناڤ کێشانا مامۆستایێن ئاینی ل پێش چاڤێن راگەھاندنێ ھاتە ئەنجامدان و ب بەرھەفبوونا رێڤەبەرێن ئەوقافێن قەزا و سەرۆکا لژنا ئەوقاف و پەروەردێ ل جڤاتا پارێزگەھا دھۆک و رێڤەبەرێ حەج و عومرێ ل پارێزگەھێ و ئەڤ مامۆستایە دێ وەک رێنیشاندەرێن وان کەسان بن ل مەدینێ و مەکێ بۆ ئەداکرنا فەریزا حەجێ و ١٠ مامۆستا سەرانسەری پارێزگەھێ ھاتنە دەست نیشانکرن ب رێیا تیروپشکێ و ١٠ یەدەک ئەگەر کارەکێ نەخوازراو چێبوو دا بچیتە جھێ وی)
زێدەتر گۆت: (ھەر ئێک ژ وان رێنیشاندەران دێ رێنیشاندەریێ بو ١١٠ کەسان کەتن )
ل گورەی زانیاریان ھەژمارا وان کەسێن کو ئەڤ سالە ل پارێزگەھا دھۆکێ دێ چنە حەجێ ١١٧١ و ژمارا قافلان ٢٤ و ھەر قافلەکی ٤٧ حەجی ل گەل دانە.
