10 گرانترین گرێبه‌ستێن یاریزانا ل جیهانی بزانه
ئه‌ڤرۆ،
لدووڤ تۆرا ئاماران CIES یا ئیتالی 10 بۆهاترین و گرانترین گرێبه‌ستێن یاریزانان ل جیهانێ هاتینه دیاركرن ئه‌وا سه‌رێ لیستێ هێرشبرێ فره‌نسی و یانا پاریس سانجێرمان كلێلیان مباپی دهێت ئه‌وێ گرێبه‌ستا خوه هه‌تا 2025 نووكری و ڤه‌گۆهاستنا خوه بۆ ریال مه‌درید یا ئسپانی ڕه‌دكری.
لدووڤ لیستا هاتیه به‌لاڤكرن كو مباپی ب 219 ملیۆن یۆرۆیان بۆ سێ وه‌رزان مه‌زنترین گرێبه‌ستا وه‌رزێ ئه‌ڤ ساله هاتیه دیاركرن، دووڤدا ستێرێ به‌رازیلی و یانا ریال مه‌درید یا ئسپانی ڤێنیسیۆس جونیرۆ ل رێزا دویێ دهێت و گرێبه‌ستا وی ب 185 ملیۆن یۆرۆیان هاتیه نه‌خشاندن، یێ سێیێ هێرشبه‌رێ نه‌رویجی و یانا مانچسته‌ر ستی ئیرلینگ هالان ئه‌وێ ژ یانا برۆسیا درۆتموند یا ئه‌لمانی هاتی كو گریبه‌ستا وی یا بازاركرنێ گه‌هشتیه 153 ملیۆن یۆرۆیان، یاریزانێن دی ب ڤی ره‌نگێ خوارێ هاتینه دیاركرن.
بێدری گۆنزالێس ژ یانا به‌رشه‌لۆنا ب كۆژمێ 135 ملیۆن یۆرۆیان، جۆدی بێلنگهام ژ یانا بۆرۆسیا دۆرتمۆند ب 134 ملیۆنا یۆرۆیا، فێل فۆدێن ژ یانا مانچسته‌ر ستی ب 124 ملیۆنا یۆرۆیا، فرینكی دی یۆنگ ژ یانا به‌رشه‌لۆنا ب 112.5 ملیۆن یۆرۆیان، لویس دیاز ژ یانا لیڤه‌رپۆل 110 ملیۆنا، رۆبێن دیاز ژ یانامانشسته‌ر ستی ب 110 ملیۆن یۆرۆیان، فران تۆرێس ژ یانا به‌رشه‌لۆنا ب 109 ملیۆن یۆرۆیان.