100 خولێن فێربوونا قورئانێ ھاتينە ڤەکرن

ئەڤرۆ نیوز، سالار دۆسکی:

رێڤەبەرێ پەیوەندی و راگەھاندنێ ل رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ ئاشکراکر کو بۆ ھەیڤا رەمەزانا پیرۆز ل سەرانسەری پارێزگەھا دھۆکێ 100 خولێن فێرکرنا قورئانا پیرۆز ھاتینە ڤەکرن.
شڤان ھاشم رێڤەبەرێ پەیوەندی و راگەھاندنێ ل رێڤەبەرێ گشتیی یا ئەوقاف و کارۆباێن ئاینی ل پارێزگەھا دھۆکێ بۆ ئەڤرۆ نیۆز گۆت: ب ھەلکەفتا ھاتنا رەمەزانا پیرۆز وەک نەریتەکێ سالانە رابووینە ب ڤەکرنا 100 خولێن فێرکرنا قورئانا پیرۆز بۆ زارۆیان مزگەڤتان، ل سەرانسەری پارێزگەھا دھۆکێ، خول دێ ژلایێ مامۆستایێن شارەزا ڤە ھێنە گۆتن.
شڤانی ئاشکراکر ژی کو ژ سەرجەمێ 100 خولان 25 خول ل دھۆکێ، 18 ل زاخۆ، 10 سێمێلێ، 15 ئاکرێ، 12 بەردەرش، 10 شێخان، ئامێدیی 10 خول بۆ کچ و کوران ھاتینەڤەکرن.
رێڤەبەرێ پەیوەندی و راگەھاندنێ ئەو ژی خویارکر کو ئەڤ خولە ل ژێرچاڤدێریا فەرھاد ئەمین پارێزگەرێ دھۆکێ ھاتینەڤەکرن و ھەموو پێدڤیێن خولێ ژلایێ پارێزگەھێ ڤە ھاتینە دابینکرن.

کۆمێنتا تە