100 خێزانێن ئاوارە ژ كەمپا بێرسڤێ ڤەگەڕیانە شنگالێ
دهۆك، لەزگین جوقی:
رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ دیار كر، 100 خێزانێن ئاوارە ب دو قووناغان ژ كەمپا بێرسڤێ ڤەگەڕیانە دەڤەرداریا شنگالێ.
پیر دەیان، رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ بۆ ئەڤرۆ دیار كر، هەتا نوكە پتر ژ 300 هزار كەسێن ئاوارە د ناڤ كەمپان و ژ دەرڤەی كەمپان دا ل سنوورێ پارێزگەها دهۆكێ ماینە و گۆت: «ئە ئاوارەیێن ماین پێدڤی ب هارێكاریێن مرۆڤی نە، لەو داخوازێ دكەین رەوشا شنگالێ ئاسایی بیت و رێككەفتنا شنگالێ بهێتە بجهئینان، داكو هەمی ئاوارە بشێن ڤەگەڕنە سەر مالێن خوە ل شنگالێ«.
ناڤهاتی گۆتژی: «ئەڤ سالە ب هاریكاریا رێكخراوەكێ هەتا 316 خێزانێن ئاوارە ژ كەمپا شاریا و كەمپا بێرسڤێ چووینە شنگالێ، ئەم هیڤیدارین هەڤكاریا ئاوارەیان بهێتە كرن».
